പ്രാവിന്റെ വലിപ്പത്തിലുള്ള പറക്കും ദിനോസറുകളുടെ ഫോസില്‍ കണ്ടെത്തിയതായി ചൈനീസ് ശാസ്ത്രജ്ഞര്‍. 10 വര്‍ഷം മുന്‍പ് കണ്ടെത്തിയ ഫോസിലുകളില്‍ നടത്തിയ പഠനത്തിനുശേഷമാണ് ഇവ പക്ഷികളുടെ ആദിമരൂപമായ കുഞ്ഞന്‍ ദിനോസറുകളാണെന്ന് സ്ഥിരീകരിച്ചത്. ഇവയ്ക്ക് വൗവ്വാലുകളുടേത് പോലുള്ള ചിറകുകളാണ് ഉണ്ടായിരുന്നത്. 230 ഗ്രാം ഭാരവും 63 സെന്റിമീറ്റര്‍ നീളവുമാണ് ഉണ്ടായിരുന്നത്.
16 കോടി വര്‍ഷം മുന്‍പുണ്ടായിരുന്ന ദിനോസര്‍ യുഗത്തില്‍ കുറഞ്ഞകാലം മാത്രമേ ഈ ജീവികള്‍ ജീവിച്ചിരുന്നുള്ളുവെന്നാണ് ശാസ്ത്രജ്ഞരുടെ നിഗമനം. \'യി ഖി\' അഥവ \'വിചിത്ര ചിറക്\' എന്നാണ് ഈ ദിനോസറിന് ശാസ്ത്രജ്ഞര്‍ നല്‍കിയിരിക്കുന്ന പേര്. ദിനോസറുകളില്‍നിന്നാണ് പക്ഷികള്‍ പരിണമിച്ചുണ്ടായതെന്ന നിഗമനം ബലത്തെടുത്തുന്നതാണ് \'യി ഖി\'യുടെ കണ്ടെത്തല്‍. ഷാന്‍ഡോങ് പ്രവിശ്യയിലെ ഒരു മ്യൂസിയത്തിലാണ് ഫോസില്‍ സൂക്ഷിച്ചിരിക്കുന്നത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha