മാസ്ക് ധരിക്കണമെന്ന നിയമം പമ്പകടന്നു; പെരുമ്പാമ്പിനെ കഴുത്തിൽ ചുറ്റി പിക്ക്നിക് മൂഡിൽ യാത്രികൻ, ബസ് യാത്രക്കാർ അന്തം വിട്ടു, ബസ് യാത്രക്കിടെ ഒരു വ്യക്തി ഉപയോഗിച്ച 'ജീവനുള്ള മാസ്ക്' ! സമീപത്തുള്ള കമ്പിയിലേക്ക് ഇഴഞ്ഞു നീങ്ങിയതോടെ സംഭവിച്ചത്
കൊറോണ വൈറസ് വ്യാപനം തടയുന്നതിനായി മാസ്ക് ധരിക്കണമെന്ന നിയമം ലോകത്തെ എല്ലാ രാജ്യങ്ങളിലെയും ജനങ്ങൾ ഇപ്പോൾ ജാഗ്രതയുടെ ഭാഗമായി പാലിച്ചു വരികയാണ്. ഇപ്പോൾ പലതരം മാസ്കുകൾ വിപണിയിൽ ലഭ്യമാണ്. ട്രെൻഡ് അനുസരിച്ച് പല മാസ്കുകളും വിപണിയിൽ കാണുവാൻ സാധിക്കും. എന്നാലിതാ ഇംഗ്ലണ്ടിലെ സാൽഫോർഡിൽ ബസ് യാത്രക്കിടെ ഒരു വ്യക്തി ഉപയോഗിച്ച 'ജീവനുള്ള മാസ്ക്' ആണ് ഇപ്പോൾ സാമൂഹ്യമാധ്യമങ്ങളിൽ ചർച്ചാവിഷയം. തുണികൊണ്ടുള്ള മാസ്കിനു പകരം ഒരാൾ മുഖവും കഴുത്തും മറയ്ക്കാനായി ഉപയോഗിച്ചത് ഒരു വമ്പൻ പെരുമ്പാമ്പിനെയാണ്.
എന്നാൽ കഴുത്തിൽ ചുറ്റിയ നിലയിൽ പാമ്പുമായി ബസ്സിൽ ഇരിക്കുന്ന യാത്രക്കാരന്റെ ചിത്രങ്ങൾ ഇതിനോടകം ജനശ്രദ്ധ നേടുകയുണ്ടായി. കഴുത്തിലും മുഖത്തുമായി ചുറ്റിയിരിക്കുന്ന പാമ്പിനെ കണ്ടപ്പോൾ മറ്റു യാത്രക്കാർ ആദ്യം കരുതിയത് അത് പാമ്പിന്റെ തൊലിയുടെ മാതൃകയിലുള്ള ചിത്രത്തിലുള്ള മാസ്ക് ആകും എന്നതാണ്. എന്നാൽ ഏവരെയും ഞെട്ടിച്ച് അല്പസമയത്തിനുശേഷം പാമ്പ് കഴുത്തിൽനിന്നും പിടിവിട്ട് സമീപത്തുള്ള കമ്പിയിലേക്ക് ഇഴഞ്ഞു നീങ്ങിയതോടെയാണ് ജീവനുള്ള പാമ്പ് തന്നെയാണെന്നു എന്നത് തിരിച്ചറിഞ്ഞത്.
ജീവനുള്ള പാമ്പിനെ ബസിനുള്ളിൽ കണ്ടതോടെ മറ്റ് യാത്രക്കാരെല്ലാം അല്പം ഭയചകിതരായിരുന്നു. എന്നാൽ പാമ്പ് യാത്രക്കാരിൽ ആരെയും ഉപദ്രവിക്കാൻ മുതിർന്നിരുന്നില്ല. ഇത്തരത്തിൽ യാത്രക്കാരിലൊരാൾ പകർത്തിയ ദൃശ്യമാണ് ഇപ്പോൾ സമൂഹമാധ്യമങ്ങളിൽ വൈറലാകുന്നത്. വൈറസ് വ്യാപനം തടയുന്നതിന് വേണ്ടി സ്കാർഫ് അടക്കമുള്ള ഏത് ഉൽപ്പന്നങ്ങളും മുഖം മറയ്ക്കാൻ ഉപയോഗിക്കാമെന്ന് ലോകാരോഗ്യ സംഘടനയുടെ നിർദേശമുണ്ട്. എന്നാൽ ഇതു മുതലെടുത്ത് ജീവനുള്ള ഒരു പാമ്പിനെ തന്നെ മാസ്കിന് പകരം ആരെങ്കിലും ഉപയോഗിക്കുമെന്നു കരുതിയില്ലെന്ന് ട്രാൻസ്പോർട്ട് അധികൃതർ വ്യാഖമാക്കുകയുണ്ടായി.
https://www.facebook.com/Malayalivartha