ഒന്നേമുക്കാല് ലക്ഷത്തോളം രൂപ ചെലവ് ചെയ്ത് സ്മര്ഫിനെ എത്തിക്കുന്നു; പ്രിയപ്പെട്ടവര് ഇല്ലാതെ എന്തു വിവാഹാഘോഷ മെന്ന് മാളവിക!
പുതുപ്പള്ളി കന്നുകുഴിയില് വീട്ടില് മാളവിക, ജൂണ് മുതല് കാത്തിരുന്നയാള് നാളെ കേരളത്തിലേക്ക് പുറപ്പെടും! ദുബായില് പത്രപ്രവര്ത്തകയായിരുന്ന അമ്മ രൂപ ദുബായിലെ ജോലി മതിയാക്കി ജൂണ് നാലിന് നാട്ടിലേക്ക് പോന്നപ്പോള് മാളവികയും അമ്മയോടൊപ്പം പോന്നതാണ്. മാളവികയുടെ അച്ഛന് പരേതനായ ചെറിയാന് കുര്യനും ദുബായില് ഉദ്യോഗസ്ഥനായിരുന്നു.
എന്നാല് മാളവികയുടെ ദുബായിലെ വീട്ടില് കുടുംബാംഗത്തെപ്പോലെയായിരുന്ന വളര്ത്തുനായ സ്മര്ഫിനെ കോവിഡ് കാലത്ത് ഒപ്പം കൂട്ടാന് കഴിയാതെ വന്നതോടെ അമ്മയുടെ അനുജത്തി കവിതയെ സംരക്ഷണം ഏല്പിച്ചാണ് നാട്ടിലേക്ക് പോന്നത്. അന്നു മുതലുള്ള മാളവികയുടെ ആഗ്രഹമാണ് ഡിസംബര് 31-ന് നിശ്ചയിച്ചിട്ടുള്ള തന്റെ വിവാഹത്തിനു മുന്പ് അവനെ എങ്ങനെയും നാട്ടിലെത്തിക്കണം എന്നത്.
സ്മര്ഫിനെ വിമാനത്തില് ബെംഗളൂരുവില് എത്തിച്ച് കാറിലാണ് നാട്ടിലെത്തിക്കുന്നത്. യോര്ക് ഷര് ടെറിയര് ഇനത്തില്പ്പെട്ട 7 വയസ്സുകാരനെ പുതുപ്പള്ളിയില് എത്തിക്കാന് ഒന്നേമുക്കാല് ലക്ഷത്തോളം രൂപയാണ് യാത്രച്ചെലവ്. അല്ലെങ്കില് തന്നെ പ്രിയപ്പെട്ടവര് ഇല്ലാതെ എന്തു വിവാഹാഘോഷം എന്നാണ് അമേരിക്കയില് വിദ്യാര്ഥിയായ മാളവികയുടെ ചോദ്യം.
https://www.facebook.com/Malayalivartha