ശക്തമായ മഴയും ഇടിമിന്നലും ഉണ്ടാകുമ്പോൾ എവിടെയാണ് നിൽക്കേണ്ടതെന്ന് വ്യക്തമായ അറിവുള്ളവരാണ് എല്ലാവരും.എന്നാൽ അത്തരത്തിലുള്ള അറിവില്ലാത്ത ആളുകളുമുണ്ട്. ഇന്നലെ ഹരിയാനയിൽ മഴയ്ക്കിടെ ഉണ്ടായ മിന്നലേറ്റ് നാലുപേർക്ക് പരുക്കേറ്റ വീഡിയോ ആണ് സമൂഹമാധ്യമങ്ങളിൽ ചർച്ച ആയിരിക്കുന്നത്.

ഗുഡ്​ഗാവില്‍ കനത്ത മഴക്കിടെയുണ്ടായ മിന്ന​ലില്‍ നാലുപേര്‍ക്ക് ആണ്​ പരിക്ക്​ പറ്റിയിരിക്കുന്നത് . ഹരിയാനയിലെ ഗുരുഗ്രാം സെക്​ടര്‍ 82ലെ വതിക സിഗ്​നേച്ചര്‍ വില്ലയില്‍ വെള്ളിയാഴ്ചയാണ്​​ സംഭവം നടന്നത്. ഹോര്‍ട്ടികള്‍ക്കള്‍ച്ചര്‍ ജീവനക്കാരാണ്​ പരിക്കേറ്റ നാലുപേരും.

സംഭവത്തിന്‍റെ ഞെട്ടിക്കുന്ന വിഡിയോ ആണ് സമൂഹമാധ്യമങ്ങളില്‍ ഇപ്പോൾ വൈറലായിരിക്കുന്നത്. കനത്ത മഴയില്‍ നനയാതിരിക്കാന്‍ മരത്തിന്​ കീഴില്‍ നിന്നവരാണ്​ നാലുപേരും. അപ്രതീക്ഷിതമായി മിന്നലേല്‍ക്കുന്നതോടെ നാലുപേരും വീഴുന്നതും വിഡിയോയില്‍ വ്യക്തമായി കാണാൻ കഴിയുന്നുണ്ട്.

നാലുപേരെയും ഉടന്‍ തന്നെ അടുത്തുള്ള സ്വകാര്യ ആശുപത്രിയിലെത്തിച്ചു. ഗുരുതര പൊള്ളലേറ്റ നാലുപേരും ചികിത്സയിലാണ്​. ഒരാളുടെ ആരോഗ്യനില ഗുരുതരമായ നിലയിലെന്നാണ് റിപ്പോർട്ടുകൾ​. ശിവദത്ത്​, ലാലി, രാം പ്രസാദ്​ സുന്ദര്‍, അനില്‍ എന്നിവര്‍ക്കാണ്​ പരിക്കേറ്റത്​. രാജ്യത്ത് 2005 മുതൽ മിന്നലേറ്റ് 2000 ത്തോളം ആളുകളാണ് മരണപ്പെട്ടത്.