കൊവിഡ് വ്യാപനം വർധിക്കുന്ന പശ്ചാത്തലത്തിൽ ഏർപ്പെടുത്തിയ നൈറ്റ് കർഫ്യൂവിനിടെ റോഡിൽ നിന്ന് ഡാൻസ് വീഡിയോ ചിത്രീകരിച്ച യുവതിക്കെതിരെ കേസെടുത്ത് പോലീസ്. ഗുജറാത്തിലെ രാജ്കോട്ടിലെ 25കാരിക്കെതിരെയാണ് പോലീസ് നടപടി സ്വീകരിച്ചിരിക്കുന്നത്.

കൊവിഡ് പ്രോട്ടോക്കോൾ ലംഘനത്തിനാണ് കേസ് എടുത്തിരിക്കുന്നതെന്ന് ദേശീയ മാധ്യമങ്ങൾ റിപ്പോർട്ട് ചെയ്തിരിക്കുന്നത്. ഈവന്‍റ് മാനേജ്മെന്‍റ് രംഗത്ത് പ്രവർത്തിക്കുന്ന പ്രിഷ റാത്തോഡ് എന്ന യുവതിക്കെതിരെയാണ് പോലീസ് കേസ് രജിസ്റ്റർ ചെയ്തത്.

ഒരു ഇംഗ്ലീഷ് ഗാനത്തിനാണ് ഇവർ റോഡിൽ ചുവടുവെച്ചിരിക്കുന്നത്. വീഡിയോ ചിത്രീകരിച്ച യുവതി തന്നെയാണ് ഇത് തന്‍റെ ഇൻസ്റ്റാഗ്രാം അക്കൗണ്ടിൽ പോസ്റ്റ് ചെയ്തിരിക്കുന്നതും. ഏപ്രിൽ 12നായിരുന്നു സംഭവം നടന്നത്.

രാത്രി പതിനൊന്ന് മണിയോടുകൂടിയാണ് യുവതി വീഡിയോ ചിത്രീകരിച്ചതെന്നാണ് പോലീസ് വ്യക്തമാക്കിയിരിക്കുന്നത്. ചുവന്ന വസ്ത്രം ധരിച്ചായിരുന്ന പ്രിഷ ചുവട് വെച്ചിരിക്കുന്നത്.

ഇവരുടെ സുഹൃത്തുക്കളിൽ ആരോ വീഡിയോ എടുത്തത്. ഇതിന് പിന്നാലെ ഇൻസ്റ്റാഗ്രാം പോസ്റ്റ് ചെയ്തിരിക്കുന്നത്. ഇവർ പതിവായി ഇത്തരം വീഡിയോകൾ പങ്കുവെക്കാറുണ്ടെന്നാണ് പോലീസ്അറിയിച്ചിരിക്കുന്നത്.

രാജ്കോട്ട് പോലീസ് കേസെടുത്തതിന് പിന്നാലെ തന്നെ യുവ ക്ഷമ ചോദിച്ച് രംഗത്തെത്തുകയും ചെയ്തു. "എന്‍റെ തെറ്റ് മനസിലായതിന് പിന്നാലെ ഞാൻ വീഡിയോ ഡിലീറ്റ് ചെയ്തു. ചിലയാളുകൾ വീഡിയോ വൈറലാക്കുകയായിരുന്നു.

എല്ലാവരും സർക്കാർ നിർദേശിക്കുന്ന കൊവിഡ് മാനദണ്ഡങ്ങൾ കർശനമായി പാലിക്കണമെന്ന് ഞാൻ അഭ്യർഥിക്കുകയാണ്. ഇത്തരത്തിലൊരു തെറ്റ് ആവർത്തിക്കില്ലെന്ന് ഞാൻ ഉറപ്പ് നൽകുന്നു." പ്രിഷ വീഡിയോ സന്ദേശത്തിൽ വ്യക്തമാക്കി.