ഫെയ്സ് ബുക്കിലൂടെ യുവാവ് ആദ്യം ചാറ്റി, പിന്നീട് യുവതി ചീറ്റി, യുവതിയ്ക്കെതിരെ പരാതിയുമായി യുവാവ് പോലീസ് സ്റ്റേഷനില്
അങ്ങനെ ഒരാള് കൂടി ഫെയ്സ് ബുക്ക് ചാറ്റിലൂടെ കെണിയില്പ്പെട്ടു. ആദ്യമൊക്കെ ആവേശത്തോടെ അയാള് ആ പെണ്കുട്ടിയോട് ചാറ്റി. അത് കഴിഞ്ഞ് സുഹൃത്തുകളായി, പിന്നീട് അത് പ്രണയത്തിലെത്തി. എന്നാല് അത് കഴിഞ്ഞാണ് ദുബായില് ജോലിചെയ്യുന്ന കോഴിക്കോട് സ്വദേശിയായ യുവാവിന് കാര്യം മനസിലായത്. താന് കെണിയില് പെട്ടിരിക്കുകയാണെന്ന്. ദുബായില് ജോലി ചെയ്തു വരികയായിരുന്നു ഇയാള് നിരന്തരമായ ചാറ്റിങിലൂടെ ഫിലിപ്പീന്സ് യുവതിയുമായി പ്രണയത്തിലായി.
ഒടുവില് ഫെയ്സ്ബുക്കില് തുടങ്ങിയ സംഭാഷണം ക്രമേണ സ്കൈപ്പിലൂടെ പരസ്പരം കണ്ടുകൊണ്ട് പുരോഗമിച്ചു. എന്നാല് യുവതി പ്രണയ പ്രകടനത്തിലൂടെ മലയാളിയുവാവിനെ വിദഗ്ധമായി കബളിപ്പിക്കുകയായിരുന്നു. ജോലിക്കിടയിലായിരുന്നു കൂടുതല്സമയവും ഇയാള് യുവതിയുമായി ചാറ്റ് ചെയ്തത്. സ്കൈപ്പിലൂടെയുള്ള സംഭാഷണത്തിനിടയില് യുവതി മലയാളി യുവാവിന്റെ നഗ്നശരീരം വെബ്ക്യാമറയിലൂടെ കാണിക്കാന് ആവശ്യപ്പെടുകയായിരുന്നു.
ഓഫീസില് ആളൊഴിയുന്നനേരം തന്റെ നഗ്നതയും പ്രദര്ശിപ്പിക്കാമെന്ന് യുവതി വാക്കുനല്കുകയും ചെയ്തു. യുവതിയുടെ തട്ടിപ്പ് തിരിച്ചറിയാന് സാധിക്കാത്ത യുവാവ് മൊബൈല്ഫോണിലൂടെ തന്റെ നഗ്നത യുവതിക്കുമുന്നില് പ്രദര്ശിപ്പിച്ചു. ആകെ നാണക്കേടായി എന്നല്ലാതെ എന്ത് പറയാന്. യുവതി പിന്നീട് യുവാവിനോട് 2,000 ദിര്ഹം ആവശ്യപ്പെടുകയും ഇല്ലെങ്കില് യുവാവിന്റെ നഗ്നചിത്രം യൂട്യൂബില് പോസ്റ്റുചെയ്യുമെന്ന് ഭീഷണിമുഴക്കുകയും ചെയ്തു.
ഇത് ഭയന്ന യുവാവ് മണി എക്സ്ചേഞ്ചിലൂടെ യുവതിക്ക് പണം അയച്ചുകൊടുത്തു. പണംകിട്ടിയാല് ചിത്രം ഡിലീറ്റ് ചെയ്യാമെന്ന് യുവാവിനെ തെറ്റിദ്ധരിപ്പിച്ച യുവതി വീണ്ടും മറ്റൊരു 1,500 ദിര്ഹം ആവശ്യപ്പെടുകയും യുവാവ് അയച്ചുകൊടുക്കുകയും ചെയ്തു. ഇങ്ങനെ 5,000 ദിര്ഹത്തോളം യുവതി ഇതിനകംകൈക്കലാക്കി. ഇപ്പോള് ഇയാള് യുവതിക്കെതിരെ പോലീസില് പരാതി നല്കാന് തീരുമാനിച്ചിരിക്കുകയാണ് .
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha