പുരോഹിതന്മാരുടെ തെറ്റിനെ ചോദ്യം ചെയ്ത യുവാവിനോട് കൊടുംക്രൂരത !!! നാട്ടുകാർക്ക് മുൻപിലൂടെ മുട്ടിൽ ഇഴയിപ്പിച്ച് അൾത്താരയിൽ കയറ്റി പൊതു മാപ്പ് പറയിപ്പിച്ച സംഭവം വിവാദമാകുന്നു. തിരുവനന്ത പുരം കരുംകുളം കണ്ണാടി പള്ളിയിലാണ് ഈ സംഭവങ്ങൾ നടന്നിരിക്കുന്നത്. യുവാവിനോട് ഇത്തരത്തിൽ പെരുമാറാൻ ഉണ്ടായതിന്റെ കാരണം ഇങ്ങനെയാണ് .. കരുംകുളം കണ്ണാടി പള്ളിയുടെ ഇടവക സ്ഥലം നാട്ടുകാർക്ക് അവകാശപ്പെട്ടത് കൂടിയാണ് . എന്നാൽ തീരപ്രദേശത്ത് താമസിക്കുന്നതിനാൽ എപ്പോൾ വേണമെങ്കിലും കടലാക്രമണ സാധ്യത നേരിടുന്ന പ്രദേശവാസികൾ സെന്റിന് 2 ലക്ഷം രൂപയ്ക്ക് ആ സ്ഥലം എടുക്കാമെന്ന് ധാരണയിലായി . പക്ഷെ പുരോഹിതമാന്മാർ നാട്ടുകാർ പോലും അറിയാതെ സെന്റിന് ഒന്നര ലക്ഷത്തിന് രൂപതയ്ക്ക് ആ സ്ഥലം വിറ്റു. ഈ സംഭവത്തെയാണ് നാട്ടുകാരനായ മെന്ററസ്സ് ചോദ്യം ചെയ്തത് . ഇതോടെയാണ് യുവാവിനെതിരെ ഇത്തരത്തിൽ ഉള്ള നീക്കങ്ങൾ നടത്തിയത്. ഊര് വിലക്ക് പറഞ്ഞു ഭയപ്പെടുത്തുകയും ക്രിസ്തുമസ് ദിവസം രാത്രി കരുംകുളം കണ്ണാടി പള്ളിയിൽ നാട്ടുകാർക്ക് മുൻപിലൂടെ മുട്ടിൽ ഇഴയിപ്പിക്കുകയും ചെയ്തു. കൂടാതെ അൾത്താരയിൽ കയറ്റി പൊതു മാപ്പ് പറയിപ്പിച്ചു . ഇത്തരത്തിലൊരു കൊടുംക്രൂരതയാണ് ചെയ്തിരിക്കുന്നത്.

ഇത്തരത്തിൽ പെരുമാറാൻ ഇത് 90 കാലഘട്ടമല്ല... ഒരു വ്യക്തിയെ ഇങ്ങനെ തേജോവധം ചെയ്യാൻ ആർക്കും അവകാശമില്ല . പുരോഹിതന്മാരുടെ നിയമങ്ങൾ അല്ലെങ്കിൽ അവരെടുക്കുന്ന തീരുമാനങ്ങൾ ചോദ്യം ചെയ്യപ്പെടാതിരിക്കാൻ ആരും അതിനു തയ്യാറാകാതിരിക്കാൻ പരസ്യമായി നടത്തിയ ഈ നെറികേട് അനുവദിച്ച് കൊടുക്കാനാകില്ല . അതെ ഇതിനെതിരെ പ്രതികരിക്കുക തന്നെ വേണം.

ആ യുവാവ് മാപ്പപേക്ഷയിലും പറയുന്ന ഒരു കാര്യം കൂടിയുണ്ട് . അതും നമ്മളെ ചിന്തിപ്പിക്കേണ്ടതാണ് ..എനിക്ക് എഴുതാനും വായിക്കാനും ഒന്നും അറിഞ്ഞുട . ഞാൻ കടലിലാണ് ജോലി ചെയ്യുന്നത്. .ഞാൻ മാപ്പ് ചോദിക്കാനാണ് വന്നത്. കടൽ കേറിയാൽ വീട് മുങ്ങും. വീട് മുങ്ങിയാൽ ഈ ജനങ്ങളെ എവിടെ കൊണ്ട് പോയി താമസിക്കും. ഇവര് ഭൂമി കൊടുത്തപ്പോൾ ഞാൻ പോയി ചോദിച്ചു. പക്ഷെ അച്ഛന് അതിന്റെ മറുപടിയില്ല.. നിങ്ങളത് ആലോചിക്കണം.സ്ഥലം വിട്ടുകഴിഞ്ഞതിനു ശേഷമാണ് നമ്മളോട് പറയുന്നത്. ഞാൻ എന്തായാലും നിങ്ങളോടു എല്ലാവരോടും മാപ്പ് ചോദിക്കുന്നു. എന്നിങ്ങനെയായിരുന്നു ആ യുവാവിന്റെ മാപ്പപേക്ഷ. വിദ്യഭാസം ഉള്ളവരുൾപ്പെടെ മൗനം പാലിച്ചപ്പോൾ തങ്ങൾക്ക് കിട്ടേണ്ട അവകാശത്തെപ്പറ്റി ചോദിയ്ക്കാൻ ആ യുവാവിനുണ്ടായ ധൈര്യം പ്രശംസനീയമാണ്. പക്ഷെ അത് ചോദ്യം ചെയ്തപ്പോ എന്താണ് ഇവിടെ സംഭവിച്ചത്? യുവാവിനോട് ഇത്തരത്തിൽ കാടത്തം ചെയ്യാൻ ആർക്കാണ് അവകാശം.