മര്യാദ പഠിപ്പിക്കാന് വനത്തിന് സമീപമുള്ള റോഡില് ഇറക്കിവിട്ടു; ഏഴു വയസ്സുകാരനെ കാണാതായി
ഒന്ന് പേടിപ്പിച്ച് മര്യാദ പഠിപ്പിക്കുന്നതിനായി വനത്തിന് സമീപമുള്ള റോഡില് മാതാപിതാക്കള് ഇറക്കിവിട്ട കുട്ടിയെ കാണാതായി. വികൃതി കാട്ടിയതിനാണ് മാതാപിതാക്കള് കുട്ടിയെ റോഡില് ഇറക്കിവിട്ടത്. ജപ്പാനിലെ ഹൊക്കൈഡോയിലാണ് സംഭവം. കരടികള് ഉള്പ്പെടെയുള്ള വന്യമൃഗങ്ങള് ധാരാളമുള്ള കാടിന് സമീപത്തുള്ള വഴിയില് കുട്ടിയെ ഇറക്കിവിടുകയായിരുന്നു. ഏതാനും നിമിഷങ്ങള്ക്കുള്ളില് മാതാപിതാക്കള് തിരികെ എത്തിയെങ്കിലും കുട്ടിയെ കാണാതാവുകയായിരുന്നു.
കുട്ടിയെ കണ്ടെത്തുന്നതിനായി ഏകദേശം 180-ഓളം വരുന്ന സംഘത്തെയാണ് അധികൃതര് നിയോഗിച്ചിരിക്കുന്നത്. യൊമാറ്റോ തനൂക്കയെന്ന ഏഴു വയസുകാരനെയാണ് കാണാതായത്. ഒരു പാര്ക്കില് സഹോദരിക്കും മാതാപിതാക്കള്ക്കും ഒപ്പം എത്തിയതായിരുന്നു യൊമാറ്റോ. പാര്ക്കിലെത്തിയ യൊമാറ്റോ നിര്ത്തിയിട്ടിരുന്ന കാറുകള്ക്ക് നേരെ കല്ലെറിഞ്ഞു. തുടര്ന്ന് വീട്ടിലേക്ക് പോകുന്നവഴി കുട്ടിയെ ഒന്നു പേടിപ്പിച്ച് മര്യാദ പഠിപ്പിക്കുന്നതിനായി മാതാപിതാക്കള് കാറില് നിന്ന് ഇറക്കിവിടുകയായിരുന്നു.
ഹൊക്കൈഡോയിലെ മരങ്ങള് നിറഞ്ഞ കാട്ടുപ്രദേശത്താണ് കുട്ടിയെ മാതാപിതാക്കള് ഉപേക്ഷിച്ചത്. കരടികള് ധാരാളമുള്ള ഇവിടെ കുട്ടിയെ ഉപേക്ഷിച്ച് ഏകദേശം അരക്കിലോമീറ്ററോളം ഇവര് മുന്നോട്ടു സഞ്ചരിച്ചു. പെട്ടെന്ന് തന്നെ തിരിച്ചെത്തിയെങ്കിലും കുട്ടിയെ ആ സ്ഥലത്ത് നിന്നും കാണാതാവുകയായിരുന്നു.
കുട്ടിയെ കാണാതായെന്നാണ് മാതാപിതാക്കള് ആദ്യം പൊലീസിനോട് പറഞ്ഞത് .എന്നാല് പിന്നീട് കുട്ടിയെ തങ്ങള് തന്നെ വനത്തില് ഉപേക്ഷിക്കുകയായിരുന്നുവെന്ന് വെളിപ്പെടുത്തി.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha