വളരെ വേഗം പ്രശസ്തിയിലേക്കുയര്‍ന്ന് എല്ലാം നഷ്ടപ്പെട്ട നടി. തന്റെ മനുഷ്യത്വ പരമായ നിലപാടുകള്‍ കാരണം മലയാള സിനിമയില്‍ നിന്നും ഏറെക്കുറെ ഔട്ടാണ് നടി. എങ്കിലും തെന്നിന്ത്യന്‍ ഭാഷകളിലൂടെ നടി പിടിച്ചു നിന്നു. നടിയെ സിനിമയില്‍ നിന്നും ഔട്ടാക്കാന്‍ ശ്രമിച്ചവര്‍ തന്നെയാണ് ജീവിതത്തില്‍ നിന്നും പുറത്താക്കാന്‍ ശ്രമിക്കരുതെന്നാണ് നടിയുമായി ബന്ധമുള്ള സിനിമാക്കാര്‍ പറയുന്നത്.

കാര്‍ത്തിക എന്നാണ് നടിയുടെ യഥാര്‍ത്ഥ പേര്. 1986 ജൂണ്‍ 6ന് തൃശ്ശൂരിലാണ് ജനനം. മലയാളചലച്ചിത്ര രംഗത്തെ അസിസ്റ്റന്റ് ഛായഗ്രാഹകനായ ജി. ബാലചന്ദ്രമേനോന്റെയും പുഷ്പയുടേയും മകളാണ് നടി. ഇപ്പോള്‍ 31 വയസ്. 

പതിനാറാം വയസ്സിലാണ് നടിയുടെ ചലച്ചിത്രാഭിനയത്തിന്റെ തുടക്കം. സംവിധായകന്‍ കമലിന്റെ നമ്മള്‍ ആണ് ആദ്യ ചിത്രം. ഒരു പതിറ്റാണ്ടിലേറെയായി അഭിനയരംഗത്തുള്ള നടി, അറുപതിലധികം ചിത്രങ്ങളില്‍ അഭിനയിച്ചിട്ടുണ്ട്.

താരതമ്യേനെ സാമ്പത്തികവിജയം നേടിയ ഈ ചിത്രത്തിനുശേഷം നടിക്ക് ഏറെ അവസരങ്ങള്‍ മലയാളത്തില്‍ കിട്ടി. മലയാളത്തിലെ ഒട്ടു മിക്ക മുന്‍ നിര നായകന്മാരുടെ കൂടെയും നടി അഭിനയിച്ചിട്ടുണ്ട്. മോഹന്‍ലാല്‍, മമ്മൂട്ടി, സുരേഷ് ഗോപി, ദിലീപ്, ജയറാം, പൃഥ്വിരാജ്, കുഞ്ചാക്കോ ബോബന്‍, ജയസൂര്യ എന്നിവര്‍ ഇതില്‍ പെടും.

2003ല്‍ വിജയമായിരുന്ന സി.ഐ.ഡി. മൂസ, ക്രോണിക് ബാച്ചലര്‍ എന്നീ ചിത്രങ്ങളിലും നടി അഭിനയിച്ചു. 2004ലെ നടിയുടെ ചിത്രങ്ങളായ യൂത്ത് ഫെസ്റ്റിവല്‍, പറയാം, ബംഗ്ലാവില്‍ ഔത, എന്നിവ പരാജയങ്ങളായിരുന്നു. 2005 ല്‍ വീണ്ടും ചില നല്ല ചിത്രങ്ങളായ ദൈവനാമത്തില്‍, നരന്‍ എന്നിവ നടിക്ക് ലഭിച്ചു. ഇതില്‍ ദൈവനാമത്തില്‍ എന്ന സിനിമയില്‍ അഭിനയിച്ചതിന് കേരളസംസ്ഥാന സര്‍ക്കാറിന്റെ രണ്ടാമത്തെ മികച്ച നടിക്കുള്ള പുരസ്‌കാരം ലഭിച്ചു. 2006 നടി രണ്ട് സിനിമകളില്‍ അഭിനയിച്ചു. ചിന്താമണി കൊലക്കേസ്, ചെസ്സ് എന്നിവയായിരുന്നു അവ.

തമിഴില്‍ നടി അഭിനയിച്ച ആദ്യ സിനിമ കൂടല്‍ നഗര്‍ പുറത്തിറങ്ങിയില്ല. പക്ഷേ പിന്നീട് 2007 അതു പുറത്തിറങ്ങി. നടിയുടെ ആദ്യം റിലീസ് ചെയ്ത തമിഴ് സിനിമ ചിത്തിരം പേസുതെടീ ആയിരുന്നു. ഇതു തമിഴില്‍ വിജയിച്ച ഒരു സിനിമയായിരുന്നു. അതിനു ശേഷം തമിഴിലും തെലുങ്കിലും ധാരാളം അവസരങ്ങള്‍ നടിക്ക് ലഭിച്ചു തുടങ്ങി.

അഭിനേത്രി എന്ന നിലയില്‍ നടിയ്ക്ക് ഏറെ അവസരം നേടിക്കൊടുത്ത ചിത്രമാണ് സിഐഡി മൂസ. തുടര്‍ന്ന് അതേ വിഭാഗത്തിലുള്ള നിരവധി വേഷങ്ങള്‍ ലഭിച്ചു. എന്നാല്‍ ഒരു നടന് നടിയുമായുള്ള ബന്ധം  അയാളുടെ ഭാര്യയെ അറിയിച്ചതിന്റെ പേരില്‍ ആ നടന്‍ ഇടപെട്ട് തന്റെ അവസരം നഷ്ടപ്പെടുത്തിയതായി നടി തന്നെ പരാതിപ്പെട്ടു. ആ നടനെ പേടിച്ച് പ്രമുഖരാരും നടിയ്ക്ക് നല്ല വേഷം നല്‍കിയില്ല. അതോടെ നടി സിനിമയില്‍ നിന്നും ഔട്ടായി തുടങ്ങി.

തുടര്‍ന്നാണ് നടി ഗ്ലാമര്‍ പരിവേഷമുള്ള ചിത്രങ്ങള്‍ ചെയ്തു തുടങ്ങിയത്. ചില നല്ല വേഷങ്ങള്‍ ചെയ്ത് മലയാളത്തിലേക്ക് തിരിച്ച് വരാനിരിക്കുകയായിരുന്നു. ഇതിനിടെ നടിയുടെ വിവാഹം ഉടന്‍ നടക്കുമെന്ന വാര്‍ത്തയും വന്നു. എല്ലാം മതിയാക്കി സ്വസ്ഥമായിരിക്കാമെന്ന് കരുതിയപ്പോഴാണ് തട്ടിക്കൊണ്ട് പോകലും നഗ്ന ചിത്രങ്ങളെടുക്കലും. സിനിമയില്‍ നിന്നും ഔട്ടാക്കിയവരാണ് ഇതിന് പിന്നിലുമെന്നാണ് നടിയുടെ അടുത്ത സുഹൃത്തുക്കള്‍ പറയുന്നത്.