"ഞാന് മരിക്കുമെടാ ദിലീപേട്ടന്റെ കൂടെ", ദിലീപിന്റെ ജയില്മോചനത്തില് ആരാധകന്റെ കരച്ചില് വീഡിയോ സോഷ്യല് മീഡിയയില് വൈറല്
നടിയെ ആക്രമിച്ച കേസില് അറസ്റ്റിലായി 85 ദിവസം ജയിലില് കഴിഞ്ഞതിനുശേഷം ജാമ്യത്തിലിറങ്ങിയ ദിലീപിനുവേണ്ടി ആവേശം വാനോളമുയര്ത്തി ആരാധകര്. നിരവധി ആരാധക പ്രകടന വീഡിയോകള് കഴിഞ്ഞ ദിവസം പുറത്തുവന്നുവെങ്കിലും ഒരു യുവാവ് പ്രകടിപ്പിച്ച രോഷത്തിന്റെ വീഡിയോയാണ് നിലവില് സോഷ്യല് മീഡിയയില് നിറഞ്ഞോടുന്നത്.
കണ്ടോടാ, ഇതാടാ ജാമ്യം എന്ന് യുവാവ് പറയുന്നു. 85 ദിവസം അകത്തുകിടന്നിട്ട് കിട്ടിയ ജാമ്യം. ഞങ്ങടെ ജാമ്യം, ഞങ്ങടെ ദിലീപേട്ടന്റെ ജാമ്യം. ഞങ്ങളുണ്ടെടാ ദിലീപേട്ടന്റെ കൂടെ. ഞാനുണ്ടെടാ ഞാന് മരിക്കുമെടാ ദിലീപേട്ടന്റെ കൂടെ എന്നിങ്ങനെയും യുവാവ് പറയുന്നു. ഇത്രയും പറഞ്ഞ് ഇയാള് പൊട്ടിക്കരയുകയാണ്.
കഴിഞ്ഞ ദിവസമാണ് നടിയെ ആക്രമിച്ച കേസില് ദിലീപിന് ഹൈക്കോടതി ജാമ്യം അനുവദിച്ചത്. കേസന്വേഷണം പൂര്ത്തിയായ ഘട്ടത്തില് ദിലീപിന് ജാമ്യമനുവദിച്ചതും കര്ശന ഉപാധികളോടെയാണ്. ദിലീപിനെ രണ്ടാം പ്രതിയാക്കിയാണ് പൊലീസ് കുറ്റപത്രം സമര്പ്പിക്കാനൊരുങ്ങുന്നത്.
https://www.facebook.com/Malayalivartha