നടിയെ ആക്രമിച്ച കേസിൽ ദിലീപിനെ ജയിലില്‍ നിന്ന് പുറത്തിറക്കാന്‍ ഗണേഷ് കുമാര്‍ എംഎല്‍എയുടെ ഇടപെടല്‍ ഉണ്ടായെന്ന് സൂചന. ഇതിനായി ഗണേഷ് കുമാറിന്റെ പിഎ പ്രദീപ് കൊച്ചിയില്‍ ദിവസങ്ങളായി തങ്ങിയിരുന്നെന്നും ഗണേഷ് കുമാര്‍ മുഖ്യമന്ത്രി പിണറായി വിജയനുമായി ചര്‍ച്ച നടത്തിയിരുന്നുവെന്നും റിപ്പോര്‍ട്ടുകള്‍ ഉണ്ട്. ദിലീപിന് ജാമ്യം കിട്ടിയതില്‍ അങ്ങേയറ്റം സന്തോഷിക്കുന്നുവെന്നും ദിലീപിനെ അമ്മയില്‍ നിന്നും പുറത്താക്കിയത് തെറ്റായ നടപടിയായിരുന്നെന്നും ഗണേഷ് വ്യക്തമാക്കിയിരുന്നു.

താനായിരുന്നു ദിലീപിന്റെ സ്ഥാനത്തെങ്കില്‍ അമ്മയില്‍ തിരികെ പ്രവേശിക്കില്ലെന്നും അദ്ദേഹം പറഞ്ഞിരുന്നു. ദിലീപിനൊപ്പം നില്‍ക്കാന്‍ കഴിയുന്നതില്‍ അഭിമാനിക്കുന്നുവെന്നും മാധ്യമങ്ങള്‍ എത്ര ആക്രമിച്ചാലും തന്റെ നിലപാട് മാറില്ലെന്നും ജനങ്ങളും അദ്ദേഹത്തിനൊപ്പമാണെന്നും ഗണേഷ് വ്യക്തമാക്കിയിരുന്നു.