മാറ്റിവച്ച ഗര്‍ഭപാത്രത്തില്‍ നിന്നും ലോകത്ത്‌ ആദ്യമായി കുഞ്ഞ്‌ ജനിച്ചു
04 OCTOBER 2014 03:05 PM IST
മലയാളി വാര്‍ത്ത.
ഗര്‍ഭപാത്രം മാറ്റിവച്ച സ്ത്രീ ഒരു ആണ്‍കുഞ്ഞിനു ജന്മം നല്‍കി. സ്വീഡണില്‍ നിന്നാണ്‌ സംഭവം റിപ്പോര്‍ട്ട്‌ ചെയ്‌തിരിക്കുന്നത്‌. ലോകത്ത്‌ ആദ്യമായിട്ടാണ്‌ മറ്റൊരാളുടെ ഗര്‍ഭപാത്രം ഒരു സ്‌ത്രീയില്‍ മാറ്റിവച്ച ശേഷമുളള ഗര്‍ഭധാരണം നടക്കുന്നത്‌. ക്യാന്‍സര്‍ ചികിത്സയുടെ ഭാഗമായി ഗര്‍ഭപാത്രം ഉപയോഗക്ഷമമല്ലാതായതോടെയാണ്‌ കുടുംബ സുഹൃത്തായ 60 വയസ്സ്‌ പ്രായമായ സ്‌ത്രീയുടെ ഗര്‍ഭപാത്രം യുവതി സ്വീകരിച്ചത്‌. ഗര്‍ഭപാത്ര ശസ്‌ത്രക്രിയ്‌ക്കുശേഷം ഒരു വര്‍ഷം പൂര്‍ത്തിയായപ്പോള്‍ ദമ്പതികളുടെ ബീജം ഈ ഗര്‍ഭപാത്രത്തില്‍ നിക്ഷേപിച്ചു. എട്ടാം മാസത്തില്‍ കുഞ്ഞിനെ ശസ്‌ത്രക്രിയയിലൂടെ പുറത്തെടുത്തു. മാസം തികയുന്നതിനു മുന്‍പേ ജനിച്ചെങ്കിലും കുഞ്ഞും അമ്മയും സുഖമായിരിക്കുന്നു എന്നാണ്‌ റിപ്പോര്‍ട്ട്‌.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെ ഫേസ്‌ബുക്ക്‌ പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
