ഇരുപത്തിയൊന്നാം നൂറ്റാണ്ടിലെ പാഞ്ചാലി: രാജോ അഞ്ചു ഭര്‍ത്താക്കന്‍മാരുമായി സന്തോഷത്തോടെ ജീവിക്കുകയാണ്‌
അഞ്ച്‌ സഹോദരന്‍മാര്‍ക്ക്‌ ഒരു ഭാര്യയോ എന്ന്‌ മഹാഭാരതത്തിലെ കഥ പറഞ്ഞു തന്നപ്പോള്‍ പലരും മുത്തശ്ശിമാരോട്‌ ആശ്ചര്യത്തോടെ ചോദിച്ചു കാണും. എന്നാല്‍ ഈ നൂറ്റാണ്ടിനും അത്തരമൊരു കഥ പറയാനുണ്ടെങ്കിലോ? ഉത്തരാഖണ്ഡിന്റെ തലസ്ഥാനമായ ഡെറാഡൂണിനടുത്തുള്ള ഒരു ഗ്രാമത്തില്‍ നമുക്ക്‌ അത്തരമൊരാളെ കാണാന്‍ കഴിയും. ഇരുപത്തിയൊന്നു കാരിയായ രാജോയാണ്‌ അഞ്ച്‌ സഹോദരങ്ങളെ വിവാഹം കഴിച്ച്‌ ജീവിക്കുന്നത്‌. ലോകത്തില്‍ തന്നെ ഒന്നിലധികം ഭര്‍ത്താക്കന്‍മാരെ വിവാഹം കഴിച്ച്‌ ജീവിക്കുന്ന ചുരുക്കം സ്‌ത്രീകളില്‍ ഒരാളാണ്‌ രാജോ.
പതിനാറുമാസം പ്രായമായ കുഞ്ഞിന്റെ അമ്മ കൂടിയായ രാജോവിന്‌ ആരാണ്‌ കുഞ്ഞിന്റെ പിതാവെന്നുകൂടി കൃത്യമായി പറയാന്‍ കഴിയുന്നില്ല. അഞ്ചു ഭര്‍ത്താക്കന്‍മാര്‍ ഉള്ളതില്‍ താന്‍ സന്തുഷ്ടവതിയാണെന്നാണ്‌ രാജോ പറയുന്നത്‌. മറ്റുള്ളവര്‍ക്ക്‌ ഒരാളില്‍ നിന്ന് കരുതല്‍ ലഭിക്കുമ്പോള്‍ തനിക്ക്‌ അഞ്ച്‌ പേരില്‍ നിന്നും കരുതല്‍ ലഭിക്കുന്നെന്ന്‌ ആത്മവിശ്വാസത്തോടെ രാജോ പറയുന്നു. മഹാഭാരതത്തില്‍ അര്‍ജുനനോട്‌ പ്രത്യേക മമത ദ്രൗപതിക്കുണ്ടെങ്കിലും ഈ ദ്രൗപതിക്ക്‌ അങ്ങനെ ഒരു പക്ഷപാതം ആരോടും ഇല്ല. ഞാന്‍ അഞ്ചുപേരേയും ഒരു പോലെയാണ്‌ സ്‌നേഹിക്കുന്നത്‌. ഒരാളോട്‌ കൂടുതല്‍ മമതയൊന്നും എനിക്കില്ല രാജോ നയം വ്യക്തമാക്കുന്നു.
ഒറ്റമുറി മാത്രമുള്ള കൂരക്കു കീഴില്‍ ഇവര്‍ ആറുപേരും ഒരുമിച്ചാണ്‌ ഉറങ്ങാന്‍ കിടക്കുന്നത്‌. ഊഴമനുസരിച്ച്‌ ഓരോ ദിവസവും ഒരാള്‍ രാജോയുമായി ലൈംഗിക ബന്ധത്തില്‍ ഏര്‍പ്പെടുകയും ചെയ്യും. ഞങ്ങള്‍ അഞ്ചു പേരും അവളുമായി ലൈംഗിക ബന്ധത്തില്‍ ഏര്‍പ്പെടാറുണ്ട്‌. എനിക്കതില്‍ അസൂയയില്ല. ഞങ്ങള്‍ വളരെ സന്തോഷത്തോടു കൂടി ജീവിക്കുന്ന വലിയ കുടുംബമാണ്‌. രാജോയെ ആദ്യം വിവാഹം ചെയ്‌ത ഗുഡു പറയുന്നു. 19 കാരനായ ദിനേഷാണ്‌ രാജോയുടെ ഏറ്റവും പ്രായം കുറഞ്ഞ ഭര്ത്താവ്. 18 വയസിലാണ്‌ ദിനേഷ്‌ രാജോയെ ഭാര്യയായി സ്വീകരിച്ചത്‌.
രാജോയുടെ കുടുംബം വര്‍ഷങ്ങളായി അനുഷ്‌ഠിച്ചു വരുന്ന ആചാരത്തിന്റെ ഭാഗമാണിത്‌. തന്റെ അമ്മ മൂന്നു സഹോദരങ്ങളെ വിവാഹം ചെയ്‌തിരുന്നു. അതിനാല്‍ തനിക്കും ഒന്നില്‍ കൂടുതല്‍ ഭര്‍ത്താക്കന്‍മാരെ വിവാഹം ചെയ്യേണ്ടി വരുമെന്ന്‌ ചെറുപ്പം മുതല്‍ തന്നെ അറിയാമായിരുന്നു- രാജോ വ്യക്തമാക്കി.
https://www.facebook.com/Malayalivartha
