പിന്നാക്ക വികസന വകുപ്പിലെ ഒഴിവുകള് പ്രത്യേകം അറിയിക്കാന് സര്ക്കാരിനോട് ആവശ്യപ്പെടുമെന്ന് പി.എസ്.സി
പിന്നാക്ക സമുദായ വികസന വകുപ്പിന്റെ ആസ്ഥാന ഓഫിസ്, മേഖല ഓഫിസ് എന്നിവിടങ്ങളിലെ ഒഴിവുകള് പ്രത്യേകമായി അറിയിക്കാന് സര്ക്കാറിനോട് ആവശ്യപ്പെടാന് പി.എസ്.സി തീരുമാനിച്ചു. പിന്നാക്ക സമുദായ വകുപ്പിന് ഈ രണ്ട് ഓഫിസുകള് മാത്രമാണുള്ളതെന്നതിനാല് ക്ലര്ക്ക് പോലുള്ള തസ്തികകളില് ജില്ലതല തെരഞ്ഞെടുപ്പ് അപര്യാപ്തമെന്ന നിഗമനത്തിലാണ് പി.എസ്.സി തീരുമാനം. ക്ലര്ക്ക്, ഓഫിസ് അറ്റന്ഡന്റ് ഗ്രേഡ് രണ്ട്, ഡ്രൈവര് ഗ്രേഡ് രണ്ട് എന്നീ പൊതു തസ്തികകള്ക്ക് ജില്ലതല തെരഞ്ഞെടുപ്പുകളാണ് നിലവില് നടത്തുന്നത്
പിന്നാക്ക സമുദായ വികസന വകുപ്പിന് നിലവില് ആസ്ഥാന ഓഫിസും മേഖല ഓഫിസും മാത്രമാണുള്ളത്. അതിനാല്, ഇത്തരം തസ്തികകളുടെ ഒഴിവുകള് പൊതു തസ്തികകളിലേക്ക് നിലവിലുള്ള റാങ്ക് പട്ടികയില്നിന്ന് നികത്തണമെങ്കില് ആയവ ഹെഡ്ക്വാര്ട്ടര് ഒഴിവുകളായി പി.എസ്.സിക്ക് റിപ്പോര്ട്ട് ചെയ്യണമെന്നാണ് സര്ക്കാറിനോട് ആവശ്യപ്പെടുക. പട്ടികജാതിവര്ഗ വികസന കോര്പറേഷനിലെ താഴ്ന്ന തസ്തികയിലെ ജീവനക്കാര്ക്കായി നീക്കിവെച്ച അഞ്ച് ഒഴിവുകള് നികത്തുന്നതിനുള്ള നിയമന രീതി തസ്തികമാറ്റം വഴിയോ സ്ഥാനക്കയറ്റം വഴിയോ എന്ന കാര്യത്തില് സര്ക്കാറില്നിന്ന് വ്യക്തത തേടും.
https://www.facebook.com/Malayalivartha