എം.ജി സര്വകലാശാലയിൽ ഒന്നാം വര്ഷ ബിരുദ പ്രോഗ്രാമുകളിലേക്കുള്ള ട്രയല് അലോട്ട്മെന്റ് പ്രസിദ്ധീകരിച്ചു
എം.ജി സര്വകലാശാലയിലെ ഏകജാലകം വഴിയുള്ള ഒന്നാം വര്ഷ ബിരുദ പ്രോഗ്രാമുകളിലേക്കുള്ള ട്രയല് അലോട്ട്മെന്റ് പ്രസിദ്ധീകരിച്ചു. ഓപ്ഷനുകളിൽ മാറ്റം വരുത്താനും ഓണ്ലൈന് അപേക്ഷയില് തിരുത്തലുകള് വരുത്താനും വ്യാഴാഴ്ച വൈകിട്ട് അഞ്ചു മണിവരെ സൗകര്യമുണ്ട്. വിദ്യാർഥികൾ ഓപ്ഷനായി നല്കിയിട്ടുള്ള പ്രോഗ്രാമുകളിലെ ഇന്ഡക്സ് മാര്ക്കും, ട്രയല് അലോട്മെന്റിലെ പ്രോഗ്രാമുകളിലെ ലാസ്റ്റ് റാങ്ക് വിശദാംശങ്ങളും പ്രൊവിഷണല് റാങ്ക് ലിസ്റ്റും വെബ്സൈറ്റില് ലഭ്യമാണ്. ഇതനുസരിച് വിദ്യാർത്ഥികൾക്ക് കോഴ്സുകൾ തിരഞ്ഞെടുക്കാവുന്നതാണ്. ഓപ്ഷനുകള് പുതുതായി നല്കുകയോ പുനക്രമീകരിക്കുകയോ ഒഴിവാക്കുകയോ ചെയ്യാനുള്ള അവസരമുണ്ട്. അപേക്ഷയിലെ കൃത്യത ഉറപ്പു വരുത്താനും അനുയോജ്യമായ ഓപ്ഷനുകള് നല്കാനും ആവശ്യമായ വിവരങ്ങള് www.cap.mgu.ac.in എന്ന വെബ്സൈറ്റിലുണ്ട്. ഒന്നാം അലോട്ട്മെന്റ് 13 ന് പ്രസിദ്ധീകരിക്കും. ഹെൽപ് ലൈൻ : 0481 6555563.
https://www.facebook.com/Malayalivartha