മലയാളത്തില്‍ കോക്കസുകളുണ്ടെന്ന് ഇനിയ
മലയാള സിനിമയില്‍ കോക്കസുകളുണ്ടെന്ന് നടി ഇനിയ. തന്റെ സുഹൃത്തുക്കളില്‍ പലരും ഇക്കാര്യം പറഞ്ഞിട്ടുണ്ട്. എന്നാല്‍ തന്നോട് ചെയ്യണമെന്ന് പറഞ്ഞ കഥാപാത്രം മറ്റൊരാള്‍ ചെയ്‌തെന്ന് അറിഞ്ഞപ്പോള്‍ വിഷമം തോന്നി. ആ സമയത്താണ് കോക്കസുകളെ കുറിച്ച് വ്യക്തമായ ധാരണയുണ്ടായത്. സിനിമയില്‍ ഒതുക്കപ്പെടുകയാണെന്ന ഫീലിംഗുണ്ടായി. പക്ഷെ, എനിക്ക് കിട്ടേണ്ടത് എന്നെ തേടിവരുമെന്ന് വിശ്വസിക്കുന്നതായും ഇനിയ പറഞ്ഞു. മലയാളത്തില്‍ അവസരങ്ങള്‍ കുറഞ്ഞത് കൊണ്ടാണ് തമിഴിലേക്ക് ചേക്കേറിയത്. അവിടെ അറിയപ്പെടുന്ന നടിയായി ഇനിയ മാറിക്കഴിഞ്ഞു.
ഗ്ലാമര്‍ വേഷങ്ങളില്‍ അഭിനയിക്കുന്നതില്‍ തെറ്റില്ലെന്ന് ഇനിയ പറഞ്ഞു. ആരെയും ആകര്‍ഷിക്കുന്ന മനോഹരമായ ശരീരവടിവുണ്ടെങ്കില്‍ കാണികള്‍ക്ക് ആസ്വാദ്യകരമായ കാഴ്ചയാണെങ്കില്‍ ഗ്ലാമറിനെ തെറ്റായി കാണേണ്ട. സിനിമയ്‌ക്കൊപ്പം പഠനവും താരം നടത്തുന്നുണ്ട്. അണ്ണാമലെ യൂണിവേഴ്‌സിറ്റിയില്‍ ബി.ബി.എക്ക് പഠിക്കുകയാണ്. പിന്നെ സിനിമാതാരങ്ങളുടെ ഷട്ടില്‍ ടീമിന്റെ സെലിബ്രിറ്റി ബാന്റ് മാസ്റ്ററാണ്. ദുബയില്‍ നടന്ന ഷട്ടില്‍ ലീഗില്‍ ചെന്നൈ ഈഗിള്‍സ് വിജയിച്ചിരുന്നു. ധനുഷ്, ജയംരവി, പ്രസന്ന തുടങ്ങിയവരാണ് താരങ്ങള്‍.
എല്ലാ മാധ്യമ പ്രവര്‍ത്തകരും വിവാഹത്തെ കുറിച്ച് ചോദിക്കാറുണ്ട്, പ്രണയത്തെക്കുറിച്ചും. കല്യാണം മാതാപിതാക്കളാണ് തീരുമാനിക്കുന്നത്. പ്രണിക്കാന്‍ സമയമായില്ല. എന്നാല്‍ ധാരാളം ബോയ്ഫ്രണ്ട്‌സ് ഉണ്ട്. സിനിമയില്‍ കംഫര്‍ട്ടബിളായി നില്‍ക്കാന്‍ കഴിയണം. കരിയര്‍ നന്നായി പോണം. വിവാഹമൊക്കെ അതിന് ശേഷമേ ഉണ്ടാകൂ. ഝാന്‍സിറാണിയായി അഭിനയിക്കണമെന്ന് വിലിയ ആഗ്രഹമാണ്. മുഴുനീള നര്‍ത്തകിയായ കഥാപാത്രം, ഫൈറ്റ് ചെയ്യുന്ന പെണ്‍കുട്ടി ഇതൊക്കെ മനസിലുള്ള കഥാപാത്രങ്ങളാണ്.
https://www.facebook.com/Malayalivartha
