ഫ്രഞ്ച് വിദേശകാര്യമന്ത്രി ജീൻ വൈവ്സ് ലേ ഡ്രിയൻ ഇന്ത്യ സന്ദർശിക്കുന്നു. രണ്ടു ദിവസത്തെ ഒൗദ്യോഗിക സന്ദർശനത്തിനായി ജീൻ ഇന്ന് ഇന്ത്യയിൽ എത്തും.

രണ്ടുരാജ്യങ്ങൾ തമ്മിലുള്ള ഉഭയകക്ഷി ബന്ധം വർധിപ്പിക്കുന്നതിന്‍റെ ഭാഗമായാണ് ഇന്ത്യാസന്ദർശനം. ഇന്ത്യയിൽ എത്തുന്ന ജീൻ വിദേശകാര്യമന്ത്രി സുഷമ സ്വരാജ്, ധനമന്ത്രി അരുണ്‍ ജയ്റ്റ്ലി എന്നിവരുമായും കൂടിക്കാഴ്ച നടത്തും.

സാമ്പത്തികം, സുരക്ഷ, വിദ്യാഭ്യാസം തുടങ്ങി വിവിധ മേഖലകളിൽ ഇരുരാജ്യങ്ങൾ തമ്മിലുള്ള ബന്ധം വർധിപ്പിക്കുമെന്നാണ് സൂചന.