ഇറാനില് വിമാനം തകര്ന്നുവീണു... വിമാനത്തിലുണ്ടായിരുന്ന അറുപത്തിയാറ് യാത്രക്കാരെ കുറിച്ച് കൂടുതൽ വിവരമൊന്നുമില്ല
ഇറാനിൽ അറുപത്തിയാറ് പേരുമായി പോയ വിമാനം ഇറാനില് തകര്ന്നുവീണു. ടെഹ്റാനില് നിന്ന് യെസൂജിലേക്ക് പോയ എറ്റിആര്72 വിമാനമാണ് തകര്ന്ന് വീണത്. തലസ്ഥാനമായ ടെഹ്റാനിൽ നിന്ന് 620 കിലോമീറ്റർ അകലെ സെമിറോമിലെ സർഗോസ് മലനിരകളിലാണ് വിമാനം തകർന്ന് വീണത്.
ടെഹ്റാനിൽ നിന്ന് ഇസ്ഫാൻ പ്രവിശ്യയിലെ യസൂജിലേക്ക് പോവുകയായിരുന്ന അസിമാൻ എയർലൈൻസിന്റെ എ.ടി.ആർ 72 വിമാനം പ്രാദേശിക സമയം രാവിലെ അഞ്ചിനാണ് പുറപ്പെട്ടത്. 20 മിനിട്ടിന് ശേഷം വിമാനം റഡാറിൽ നിന്ന് അപ്രത്യക്ഷമാവുകയും തകർന്ന് വീഴുകയുമായിരുന്നു.
വിമാനത്തിലുണ്ടായിരുന്ന യാത്രക്കാരെ കുറിച്ച് വിവരമൊന്നുമില്ല. പർവതമേഖല ആയതിനാൽ തന്നെ ആംബുലൻസുകൾക്ക് എത്തിപ്പെടാനാവാത്ത സാഹചര്യമാണുള്ളത്. ഹെലികോപ്ടറുകൾ അപകടസ്ഥലത്തേക്ക് പുറപ്പെട്ടിട്ടുണ്ട്.
https://www.facebook.com/Malayalivartha