അതീവ വിഷകാരികളുടെ പോരാട്ടം വൈറലാകുന്നു ! ; അപകടകാരികളുടെ ഏറ്റുമുട്ടൽ അത്യപൂർവ്വമായ കാഴ്ച്ച
അതീവ അപകടകാരികളാണ് ആഫ്രിക്കയിൽ കാണപ്പെടുന്ന ബ്ലാക്ക് മാൻപകൾ എന്നയിനത്തിപ്പെട്ട പാമ്പുകൾ. അതുപോലെ തന്നെ ഒട്ടും മോശമല്ലാത്ത മറ്റൊരു അപകടകാരിയായ ഇനമാണ് മൊസാംബിക് സ്പിറ്റിങ് കോബ്രകൾ.
ഇരുവരും അതീവ വിഷകാരികളുമാണ്. ഇവർ തമ്മിൽ ഒരു മത്സരം നടത്തിയാൽ ആരു ജയിക്കും ?...കണ്ടു തന്നെ അറിയണം....അത്തരത്തിലൊരു അപൂർവ്വം അവസരം വീണു കിട്ടിയത് ഡാനിയേൽ ഹിച്ചിംഗ് ടാർ എന്ന വിദ്യാർത്ഥിയ്ക്കാണ്.
പൊരിഞ്ഞ പോരാട്ടത്തിനൊടുവിൽ ബ്ലാക്ക് മാൻപയെ മൊസാംബിക് സ്പിറ്റിങ് കോബ്ര വിഴുങ്ങുന്ന ദൃശ്യങ്ങൾ ഇപ്പോൾ സാമൂഹ്യ മാധ്യമങ്ങളിൽ വൈറലായിക്കൊണ്ടിരിക്കുകയാണ്.
സൗത്ത് ആഫ്രിക്കയിലെ മറാക്കെലേ നാഷണൽ പാർക്കിൽ നിന്നും ഗൈഡും വിദ്യാർഥിയുമായ ഡാനിയേൽ ഹിച്ചിംഗ് ടാർ പകർത്തിയ ഈ ദൃശ്യങ്ങൾ വളരെ കൗതുകമുണർത്തുന്നവയാണ്. ഇത്തരത്തിൽ അപകടകാരികളായ രണ്ടു പാമ്പുകൾ ഏറ്റുമുട്ടുന്നതു തന്നെ വളരെ വിരളമാണെന്നാണ് അദ്ദേഹം പറയുന്നത്.
പോരാട്ടത്തിനിടയിൽ സ്പിറ്റിംഗ് കോബ്രയുടെ ശരീരത്തിൽ ബ്ലാക്ക് മാൻപ കടിച്ചിട്ടുണ്ടാകുമെന്നും എന്നാൽ സ്പിറ്റിംഗ് കോബ്രയുടെ ശരീരത്തിലെ പ്രതിവിഷത്തിന്റെ ഫലമായാണ് കോബ്രയ്ക്ക് ശരീരത്തിൽ വിഷമേൽക്കാതിരുന്നതെന്നും വിദഗ്ദർ അറിയിക്കുന്നു.
ആഫ്രിക്കയിലെ സാവന്ന പുൽമേടുകളിലാണ് സ്പിറ്റിംഗ് കോബ്രകൾ ധാരാളമായി കാണപ്പെടുന്നതെന്നും വിദഗ്ദർ അറിയിച്ചു.
https://www.facebook.com/Malayalivartha