സിറിയന് പട്ടാളത്തിന്റെ ആക്രമണത്തില് 44 സിവിലയന്മാര് കൊല്ലപ്പെട്ടു
ഡമാസ്കസ് പ്രാന്തത്തില് റിബലുകളുടെ നിയന്ത്രണത്തിലുള്ള ഈസ്റ്റേണ് ഗൂട്ടാ മേഖലയില് പ്രസിഡന്റ് അബ്ബാസിന്റെ സൈനികര് നടത്തിയ പീരങ്കി ആക്രമണത്തിലും വ്യോമാക്രമണത്തിലുമായി 44സിവിലിയന്മാര് കൊല്ലപ്പെട്ടു. 2012 മുതല് റിബലുകളുടെ കൈവശമുള്ള പ്രദേശമാണിത്. ഈസ്റ്റേണ് ഗൂട്ടായിലെ ഹമുറിയയില് 20 പേര് കൊല്ലപ്പെട്ടതു വ്യോമാക്രമണത്തിലാണെന്നു സിറിയന് ഒബ്സര്വേറ്ററി പറഞ്ഞു. കൊല്ലപ്പെട്ടവരില് നാലു കുട്ടികളും ഉള്പ്പെടുന്നു.
ഈ മാസം ആദ്യം സിറിയന് സേന ഈ മേഖലയില് നടത്തിയ വ്യോമാക്രമണത്തില് 250 സിവിലിയന്മാര്ക്കു ജീവഹാനി നേരിടുകയും നൂറുകണക്കിനാളുകള്ക്കു പരിക്കേല്ക്കുകയും ചെയ്തു. ഈസ്റ്റേണ് ഗൂട്ടായില്നിന്നു റിബലുകള് അയയ്ക്കുന്ന റോക്കറ്റുകള് ഡമാസ്കസ് നഗരത്തില് പതിക്കുന്നത് ഭരണകൂടത്തിന് വലിയ അലോസരമുണ്ടാക്കുന്നു. ഇതു തടയാന് കനത്ത സൈനിക നടപടിക്കു ഭരണകൂടം മുതിരുമെന്ന് ആശങ്ക പരന്നതോടെ മേഖലയില്നിന്നു രക്ഷപ്പെടാന് സിവിലിയന്മാര് നെട്ടോട്ടമോടുകയാണ്.
https://www.facebook.com/Malayalivartha