ഗായികയും അവതാരകയുമായ റിമി ടോമിയെ അന്വേഷണസംഘം ഉടന് ചോദ്യം ചെയ്യും; വിദേശയാത്രകള് റദ്ദാക്കാന് നിര്ദേശം
നടി ആക്രമിക്കപ്പെട്ട സംഭവത്തില് ഗായികയും അവതാരകയുമായ റിമി ടോമിയെ അന്വേഷണസംഘം ഉടന് ചോദ്യം ചെയ്യും. കേസിലെ ഗൂഢാലോചനകുറ്റത്തില് ജയിലില് കഴിയുന്ന ദിലീപുമായി റിമി ടോമിക്ക് അടുത്തബന്ധമാണുള്ളത്. ഇരുവരും തമ്മില് നിരവധി റിയല് എസ്റ്റേറ്റ് ബന്ധങ്ങളുമുണ്ടെന്നും പൊലീസിന് വ്യക്തമായ വിവരം ലഭിച്ചിട്ടുണ്ട്.
ഇതിന്റെ അടിസ്ഥാനത്തിലാണ് ചോദ്യംചെയ്യല്. ആഴ്ചകള്ക്ക് മുന്പ് ദിലീപിന്റെ വീട്ടില് എന്ഫോഴ്സ്മെന്റ് റെയ്ഡ് നടത്തിയപ്പോള് റിമിയുടെ വീട്ടിലും റെയ്ഡ് നടന്നിരുന്നു. ഈ പരിശോധനയില് നിരവധി രേഖകളും ഉദ്യോഗസ്ഥസംഘം കണ്ടെടുത്തിരുന്നു. ഇരുവരുടെയും ഭൂമിയിടപാടുകള് സംബന്ധിച്ച് നേരത്തെയും നിരവധി പരാതികള് എന്ഫോഴ്സ്മെന്റിന് ലഭിച്ചിരുന്നു.
ആക്രമിക്കപ്പെട്ട നടിയും റിമിയും നേരത്തെ അടുത്തസുഹൃത്തുക്കളായിരുന്നു. എന്നാല് കാവ്യാ മാധവനും ദിലീപും തമ്മിലുള്ള ബന്ധം മഞ്ജുവാര്യര് അറിഞ്ഞത് നടിയുടെ ഇടപെടല് കൊണ്ടാണെന്ന് വിശ്വസിച്ച റിമി, നടിയുമായി അകലുകയായിരുന്നു. ഇക്കാര്യങ്ങളെല്ലാം അന്വേഷണഉദ്യോഗസ്ഥര്ക്ക് മനസിലായിട്ടുണ്ട്. ഈ പശ്ചാത്തലത്തിലാണ് ഗൂഢാലോചനയിലും റിമിക്ക് പങ്കുണ്ടോയെന്ന് പൊലീസ് അന്വേഷിക്കുന്നത്.
ചോദ്യംചെയ്യാന് തീരുമാനിച്ചതോടെ റിമി ടോമിയോട് വിദേശത്തേക്ക് പോകരുതെന്നും ഷോകള് റദ്ദാക്കണമെന്നും അന്വേഷണസംഘം നിര്ദേശിച്ചിട്ടുണ്ട്. അതേസമയം, ദിലീപിന്റെ മാനേജര് അപ്പുണി ഉടന് കോടതിയില് കീഴടങ്ങുമെന്നും സൂചനയുണ്ട്. ഇയാളെ ഉടന് കണ്ടെത്തണമെന്ന് ഹൈക്കോടതിയും ആവശ്യപ്പെട്ടിരുന്നു. ഇയാളെ ചോദ്യം ചെയ്താല് മാത്രമേ, കേസിലെ നിര്ണായകവിവരങ്ങള് പുറത്തുവരൂ.
https://www.facebook.com/Malayalivartha