മരിച്ചുകിടക്കുന്ന അമ്മയുടെ മുലകുടിക്കാന് നോക്കുന്ന കുഞ്ഞ്
റെയില്പ്പാളത്തില് മരിച്ചുകിടക്കുന്ന അമ്മയുടെ മുലകുടിക്കാന് ശ്രമിക്കുന്ന ഈ കുഞ്ഞിന്റെ ചിത്രം ഹൃദയം തകര്ക്കുന്നതാണ്. ഹിന്ദുസ്ഥാന് ടൈംസ് ഫോട്ടോഗ്രാഫറാണ് ഇത് പകര്ത്തിയത്. ബുധനാഴ്ച രാവിലെയാണ് മധ്യപ്രദേശിലെ ഭോപ്പാലില് നിന്നും 250കിലോമീറ്റര് അകലെയുള്ള ദാമോയില് റെയില്പ്പാളത്തിനടുത്തായി മരിച്ചുകിടക്കുന്ന അമ്മയെയും ഒരു വയസ്സ് പ്രായമുള്ള കുഞ്ഞിനെയും കണ്ടെത്തിയത്.
ഈ സ്ത്രീ ട്രെയിന് തട്ടി മരിച്ചതോ ട്രെയിനില് നിന്നും വീണതോ ആകാമെന്ന് കരുതുന്നു. പ്രദേശവാസികള് ഇവരെ കണ്ടെത്തുമ്പോള് കുഞ്ഞ് അമ്മയുടെ മുലയില് നിന്നും പാല്കുടിക്കാന് ശ്രമിക്കുകയും കരഞ്ഞുകൊണ്ടിരിക്കുകയും ആയിരുന്നു. സംഭവ സ്ഥലത്തെത്തിയവര് എടുത്ത് സോഷ്യല് മീഡിയയില് പോസ്റ്റ് ചെയ്ത ചിത്രങ്ങള് കണ്ട് ചൈല്ഡ് വെല്ഫെയര് ആക്ടിവിസ്റ്റുകള് സ്ഥലത്തെത്തി.
എന്നാല് അമ്മയുടെ ജീവനറ്റ ശരീരവുമായി ആശുപത്രിയിലേക്ക് പോകുമ്പോള് ആശുപത്രിയില് നല്കാനുള്ള പ്രവേശന ഫീസായ പത്തുരൂപ കുഞ്ഞിന് നല്കാന് ആരും ഉണ്ടായിരുന്നില്ല. ആശുപത്രിയിലെ വാര്ഡ് ബോയി തരുണ് തിവാരിയാണ് ഒടുവില് പത്തുരൂപ കൊടുത്തത്. കുഞ്ഞിനെ പിന്നീട് ചില്ഡ്രന്സ് ഹോമിലേക്ക് മാറ്റി.
കുഞ്ഞ് ചില്ഡ്രന്സ് ഹോമിലുണ്ടെന്ന് പരസ്യം ചെയ്യുമെന്നും ബന്ധുക്കള് ആരെങ്കിലും എത്തിയാല് കുഞ്ഞിനെ അവരെ ഏല്പിക്കുമെന്നും ചില്ഡ്രന്സ് ഹോം ചെയര്പേഴ്സണ് സുധീര് വിദ്യാര്ത്ഥി പറഞ്ഞു. പത്തുരൂപ കയ്യിലില്ലാത്ത കുഞ്ഞിനോട് ആശുപത്രി അധികൃതര് നിയമം പറയുകയായിരുന്നു എന്നും സുധീര് പറഞ്ഞു. തികാംഗര് ജ്വല്ലറി ഹൗസ് എന്നെഴുതിയ ഒരു പേഴ്സ് മാത്രമാണ് മരിച്ച സ്ത്രീയില് നിന്നും കണ്ടെത്താനായത്. കുഞ്ഞിന് പരിക്കുകളൊന്നും ഇല്ല
https://www.facebook.com/Malayalivartha