കര്‍ഷകരുടെ വായ്പകള്‍ക്ക് പരിഹാരം കാണുമെന്ന് വെങ്കയ്യ നായിഡു
കാര്‍ഷിക വായ്പ എഴുതി തള്ളുന്നത് ഇപ്പോള്‍ ഫാഷനായി മാറിയിരിക്കുകയാണെന്നു കേന്ദ്രമന്ത്രി വെങ്കയ്യ നായിഡു. അടിയന്തര സാഹചര്യങ്ങളില്‍ മാത്രമേ സംസ്ഥാനങ്ങള്‍ കാര്‍ഷിക കടങ്ങള്‍ എഴുതിത്തള്ളുന്ന നടപടി സ്വീകരിക്കാവൂയെന്നും മന്ത്രി പറഞ്ഞു.
മുംബൈയില്‍ മുനിസിപ്പാലിറ്റി ബോണ്ട് പരിപാടിയില്‍ സംസാരിക്കുകയായിരുന്നു അദ്ദേഹം.കര്‍ഷകരുടെ കടങ്ങള്‍ ഒഴിവാക്കി നല്‍കുകയല്ല വേണ്ടത് അതിനു ഒരു ശാശ്വത പരിഹാരം കാണുകയാണ് വേണ്ടതെന്നും വെങ്കയ്യ നായിഡു പറഞ്ഞു. കര്‍ഷകരെ സംരക്ഷിക്കുന്നതിനുള്ള സംവിധാനമാണ് വേണ്ടത്.
കൂടാതെ അവരെ ദുരിതത്തിലേക്ക് നയിക്കാതെ ശ്രദ്ധിക്കുകയാണ്‌സംസ്ഥാനങ്ങള്‍ ചെയ്യേണ്ടതെന്നും വെങ്കയ്യനായിഡു പറഞ്ഞു. കൂടുതല്‍ സംസ്ഥാനങ്ങള്‍ കാര്‍ഷിക വായ്പകള്‍ എഴുതിത്തള്ളുന്ന സാഹചര്യത്തിലാണ് കേന്ദ്രമന്ത്രിയുടെ പരാമാര്‍ശം.
മഹാരാഷ്ട്ര, ഉത്തര്‍പ്രദേശ്, പഞ്ചാബ്, കര്‍ണാടക എന്നീ സംസ്ഥാനങ്ങള്‍ കാര്‍ഷിക കടങ്ങള്‍ എഴുതിത്തള്ളാന്‍ തീരുമാനിച്ചിരുന്നു. എന്നാല്‍ വായ്പകള്‍ എഴുതിത്തളളുന്ന സംസ്ഥാനങ്ങള്‍ തന്നെ അതിനുള്ള പണം കണ്ടെത്തണമെന്ന് നേരത്തെ കേന്ദ്രധനമന്ത്രി അരുണ്‍ ജെയ്റ്റ്‌ലി വ്യക്തമാക്കിയിരുന്നു.
https://www.facebook.com/Malayalivartha
