എംബിബിഎസ് കോഴ്‌സിന് ചേരാന്‍ വര്‍ണാന്ധതയുള്ളവര്‍ക്ക് തടസ്സമില്ലെന്ന് സുപ്രീം കോടതി
വര്‍ണാന്ധതയുള്ളവര്‍ക്ക് എംബിബിഎസ് കോഴ്‌സിന് ചേരാന്‍ തടസ്സമില്ലെന്ന് സുപ്രീം കോടതി. രണ്ട് വിദ്യാര്‍ത്ഥികള്‍ നല്‍കിയ ഹര്‍ജിയിലാണ് സുപ്രീം കോടതി വിധി. മെഡിക്കല്‍ പ്രവേശന പരീക്ഷയില്‍ ഉയര്‍ന്ന മാര്‍ക്ക് നേടിയ ഇരുവര്‍ക്കും പ്രവേശനം നല്‍കാന്‍ സുപ്രീം കോടതി ഉത്തരവിട്ടു.
അപൂര്‍വ്വമായി കണ്ടു വരുന്ന കാഴ്ച തകരാറാണ് വര്‍ണാന്ധത അഥവാ കളര്‍ ബ്ലൈന്‍ഡ്‌നെസ്. ഈ തകരാറിന്റെ ഫലമായി എല്ലാ നിറങ്ങളും കണ്ണു കൊണ്ട് വ്യക്തമായി തിരിച്ചറിയാന്‍ കഴിയാതെ വരുന്നു. ഈ അവസ്ഥയിലായിരുന്നിട്ടും ത്രിപുര സര്‍ക്കാര്‍ നടത്തിയ മെഡിക്കല്‍ പ്രവേശന പരീക്ഷയില്‍ ഉയര്‍ന്ന മാര്‍ക്ക് നേടിയ വിദ്യാര്‍ത്ഥികള്‍ക്ക് മെഡിക്കല്‍ കൗണ്‍സില്‍ ഓഫ് ഇന്ത്യ 2015ല്‍ വര്‍ണാന്ധത ഉണ്ടെന്ന് കാണിച്ച് ഇവര്‍ക്ക് പ്രവേശനം നിഷേധിച്ചിരുന്നു. ഭരണഘടനയുടെ 142ാം വകുപ്പ് പ്രകാരമുള്ള പ്രത്യേക അധികാരം ഉപയോഗിച്ചാണ് സുപ്രീം കോടതി വിധി.
https://www.facebook.com/Malayalivartha
