'അബ്ദുള് കലാം ബഹിരാകാശ ശാസ്ത്രജ്ഞനെങ്കില് മോഡിജി സാമൂഹ്യശാസ്ത്രജ്ഞന്':എ.പി.ജെ അബ്ദുള് കലാമിനേയും നരേന്ദ്ര മോഡിയേയും താരതമ്യം ചെയ്ത് രാഷ്ട്രപതി രാംനാഥ് കോവിന്ദ്
അന്തരിച്ച മുന് രാഷ്ട്രപതി എ.പി.ജെ അബ്ദുള് കലാമിനേയും പ്രധാനമന്ത്രി നരേന്ദ്ര മോഡിയേയും താരതമ്യം ചെയ്ത് രാഷ്ട്രപതി രാംനാഥ് കോവിന്ദ്. കലാം ബഹിരാകാശ ശാസ്ത്രജ്ഞനാണെങ്കില് മോഡി സാമൂഹ്യ ശാസ്ത്രജ്ഞനാണെന്ന് രാഷ്ട്രപതി പറഞ്ഞു. ഗുജറാത്ത് സര്വകലാശാലയിലെ ബിരുദദാന ചടങ്ങില് പങ്കെടുത്ത് സംസാരിക്കുകയായിരുന്നു രാഷ്ട്രപതി.
ഭാഗ്യവശാല് കലം സാറായിരുന്നു എന്റെ മുന്ഗാമി. രാഷ്ട്രപതിയായ അദ്ദേഹം ശാസ്ത്രജ്ഞനായിരുന്നു. അദ്ദേഹത്തെ ബഹിരാകാശ ശാസ്ത്രജ്ഞന് എന്ന് വിശേഷിപ്പിക്കുമ്ബോള് മോഡിജിയെ ഞാന് സാമൂഹ്യശാസ്ത്രജ്ഞന് എന്ന് വിളിക്കും-രാഷ്ട്രപതി പറഞ്ഞു.
പ്രധാനമന്ത്രി നരേന്ദ്ര മോഡി ഗുജറാത്ത് സര്വകലാശാലയിലെ വിദ്യാര്ത്ഥി ആയിരുന്നെന്നും എ.പി.ജെ അബ്ദുള് കലാമും അവിടെ കുറച്ചു കാലം ഉണ്ടായിരുന്നുവെന്നും രാഷ്ട്രപതി പറഞ്ഞു. ഗുജറാത്ത് സര്വകലാശാലയിലെ ഒരു വിദ്യാര്ത്ഥി പോലും യൗവനകാലത്ത് മോഡിയെപ്പോലെ ചായ വിറ്റിട്ടുണ്ടാകില്ലെന്നും രാഷ്ട്രപതി പറഞ്ഞു. ഡിജിറ്റല് ഇന്ത്യ, സ്റ്റാര്ട്ടപ്പ് ഇന്ത്യ തുടങ്ങിയ പദ്ധതികളിലൂടെ 21-ാം നൂറ്റാണ്ടിന്റെ വാതിലുകള് ഇന്നത്തെ തലമുറയ്ക്കായി മോഡി തുറന്നു കൊടുത്തുവെന്നും രാഷ്ട്രപതി കൂട്ടിച്ചേര്ത്തു.
https://www.facebook.com/Malayalivartha