ശിവകാമി എടുത്തുയര്ത്തിയ കുഞ്ഞു ബാഹുബലി
എസ്.എസ് രാജമൗലിയുടെ ബ്രഹ്മാണ്ഡ ചിത്രമായ ബാഹുബലി 2-വിന് തിയേറ്ററുകളില് വന് സ്വീകാര്യതയാണ് ലഭിച്ചു കൊണ്ടിരിക്കുന്നത്. ബാഹുബലി ആദ്യഭാഗത്തില് പല്ലാള് ദേവന്റെ സൈനികരില് നിന്ന് രക്ഷപ്പെട്ട് നദിയില് ചാടുന്ന ശിവകാമി മുങ്ങുന്നതിന് മുമ്പ് ഒരു കൈകൊണ്ടുയര്ത്തുന്ന കുഞ്ഞാണ് ഇപ്പോള് താരം.
ബാഹുബലി ഒന്നാം ഭാഗത്തിന്റെ മുഖമുദ്രയായിരുന്നു രമ്യാ കൃഷ്ണന് ഒരു കൈ കൊണ്ട് കുഞ്ഞിനെ ഉയര്ത്തുന്ന ഈ രംഗം. രമ്യാ കൃഷ്ണന് അന്ന് ആ കുഞ്ഞിനെ ഉയര്ത്തുമ്പോള് കുഞ്ഞിന് വെറും 18 ദിവസം പ്രായം മാത്രമായിരുന്നു. അന്ന് ചിത്രം തിയേറ്ററുകളിലെത്തിയപ്പോള് കുഞ്ഞു ബാഹുബലിക്ക് വയസ്സ് ഒന്നരയായിരുന്നെങ്കില് ഇന്ന് ചിത്രത്തിന്റെ രണ്ടാം ഭാഗം പുറത്തിറങ്ങുമ്പോള് ഈ കുഞ്ഞുതാരത്തിന് വയസ്സ് മൂന്നായി.
ഈ കുഞ്ഞു ബാഹുബലി ആരെന്നറിയേണ്ടേ....ബാഹുബലി പ്രൊഡക്ഷന് എക്സിക്യൂട്ടീവും കാലടി നീലീശ്വരം സ്വദേശിയുമായ വത്സന്റെ മകള് അക്ഷതയാണ് ഈ കുഞ്ഞു ബാഹുബലി. ആതിരപ്പിള്ളിയില് വെച്ചുള്ള ചിത്രീകരണത്തിന് മകളെ മടിച്ചുമടിച്ചാണ് ഷൂട്ടിംഗിനു വിട്ടുകൊടുത്തിരുന്നത്.
അക്ഷത തന്റെ ആദ്യ സിനിമ കാണുന്നത് ടി.വി.യിലൂടെയാണ്. പീന്നീട് താന് അഭിനയിച്ച സിനിമ കാണുന്നത് അക്ഷതയുടെ ഹോബിയായി മാറി. ചിലപ്പോള് ഒന്നും രണ്ടും തവണയിരുന്നു ബാഹുബലി കാണും. ഏറ്റവും ഇഷ്ടപ്പെട്ട സിനിമയ ഏതെന്ന് ചോദിച്ചാലും ഈ കുഞ്ഞ് ബാഹുബലിയ്ക്ക് ഒന്നേ പറയാനുള്ളു.....ബാഹുബലി.
https://www.facebook.com/Malayalivartha