കാത്തിരുന്ന മകന് മുന്നില് എത്തിയത് അച്ഛന്റെ ശവപേടകം
മകന് ശിവറാമിന്റെ പിറന്നാള് ആഘോഷത്തിന് ഇന്നു വീട്ടിലെത്താമെന്നു അറിയിച്ചിരുന്നതാണ് കരസേനാ ജവാനായ സന്ദീപ് ജാധവ്. എന്നാല്, കാത്തിരുന്ന മകനു മുന്നില് എത്തുന്നത് അച്ഛന്റെ ശവപേടകം. കഴിഞ്ഞ ദിവസം നിയന്ത്രണരേഖയിലെ പൂഞ്ച് സെക്ടറില് നടന്ന പാക്ക് വെടിവയ്പിലാണ് മഹാരാഷ്ട്രയില് ഔറംഗബാദ് ജില്ലയിലെ കാലെഗാവ് ഗ്രാമവാസിയായ സന്ദീപ് കൊല്ലപ്പെട്ടത്. കരസേനാ ആസ്ഥാനത്തുനിന്ന് പിതാവിനെയാണു മരണവിവരം അറിയിച്ചത്.
പിറന്നാള് ആഘോഷത്തിനു തയാറെടുക്കുന്ന വീട്ടുകാരോട് ദുരന്തവാര്ത്ത പറയാന് കഴിയാനാവാതെ ആ പിതാവ് വീട്ടിലെ ടിവി കണക്ഷന് ഊരിയിട്ടു. എന്നാല് അന്ത്യകര്മങ്ങള്ക്കു തയാറാകേണ്ടിയിരുന്നതിനാല് ഇന്നലെ ഉച്ചയോടെ ഒരു ബന്ധു വീട്ടില് സൂചന നല്കി. മഹാരാഷ്ട്രയിലെ കോലാപ്പുരില് നിന്നുള്ള ശ്രാവണ് മാനെയും (24) ഇതേ ആക്രമണത്തില് വീരമൃത്യു വരിച്ചിട്ടുണ്ട്. രണ്ടു വര്ഷം മുന്പു കരസേനയില് ചേര്ന്ന ശ്രാവണ് അവിവാഹിതനാണ്.
https://www.facebook.com/Malayalivartha