ക്യാപ്റ്റന്റെ ഇന്നിംഗ്സുമായി രോഹിത് ശർമ്മ; ഇന്ത്യയ്ക്ക് മികച്ച സ്കോർ
ത്രിരാഷ്ട്ര ട്വന്റി20 ടൂർണമെന്റ് ഫൈനൽ ലക്ഷ്യമിട്ട് ഇറങ്ങിയ ഇന്ത്യയ്ക്ക് മികച്ച സ്കോർ. ഇന്ത്യ 20 ഓവറിൽ മൂന്ന് വിക്കറ്റ് നഷ്ടത്തിൽ 176 റൺസ് നേടി. ടോസ് നഷ്ടപ്പെട്ട് ബാറ്റിങ്ങിനിറങ്ങിയ ഇന്ത്യയ്ക്ക് ഓപ്പണർമാർ വെടിക്കെട്ട് തുടക്കമാണ് നൽകിയത്. എന്നാൽ ധവാൻ പുറത്തായശേഷം ക്രീസിൽ എത്തിയ റെയ്ന രോഹിത്തിന് മികച്ച പിന്തുണ നൽകിയതോടെ ഇന്ത്യ മികച്ച സ്കോറിലേക്ക് കുതിക്കുകയായിരുന്നു.
പരമ്പരയിൽ ആദ്യമായി ഫോമിലേക്കെത്തിയ ക്യാപ്റ്റൻ രോഹിത്തിന്റെ ബാറ്റിങ്ങായിരുന്നു ഇന്ത്യൻ ഇന്നിംഗ്സിനെ പ്രത്യേകത. തുടക്കത്തിൽ മെല്ലെ കളിച്ച രോഹിത് അവസാന ഓവറുകളിൽ ബംഗ്ലാദേശ് ബൗളർമാർക്ക്മേൽ സംഹാരതാണ്ഡവമാടി. മറുവശത്ത് റെയ്നയും സ്കോറിങ്ങിന് വേഗതകൂട്ടി.
എന്നാൽ അവസാന ഓവറിൽ 47 റൺസുമായി റെയ്ന മടങ്ങി. പിന്നാലെ 61 പന്തിൽ 89 റൺസ് നേടിയ രോഹിത് അവസാന പന്തിൽ റൺഔട്ടായി. കാർത്തിക് രണ്ട് റണ്ണുമായി പുറത്താകെ നിന്നു.
https://www.facebook.com/Malayalivartha