സെഞ്ച്വറിയുമായി യശസ്വി ജയ്സ്വാള് മുന്നില് നിന്ന് നയിച്ചപ്പോള് രാജസ്ഥാന് റോയല്സിന് അനായാസ ജയം....
സെഞ്ച്വറിയുമായി യശസ്വി ജയ്സ്വാള് മുന്നില് നിന്ന് നയിച്ചപ്പോള് രാജസ്ഥാന് റോയല്സിന് അനായാസ ജയം. മുംബൈ ഇന്ത്യന്സ് മുന്നോട്ടുവെച്ച 180 റണ്സ് വിജയലക്ഷ്യം 18.4 ഓവറില് ഒരു വിക്കറ്റ് നഷ്ടത്തില് മറികടക്കുകയും ചെയ്തു. 60 പന്തുകള് നേരിട്ട യശസ്വി ജയ്സ്വാള് ഏഴു സിക്സും ഒന്പത് ഫോറുമുള്പ്പെടെ പുറത്താകാതെ 104 റണ്സെടുത്തു.
35 റണ്സെടുത്ത ഓപണര് ജോസ് ബട്ട്ലറും പുറത്താകാതെ 38 റണ്സെടുത്ത നായകന് സഞ്ജുസാസണും മികച്ച പിന്തുണയേകി. നാല് ഓവറില് 18 റണ്സ് മാത്രം വിട്ടുകൊടുത്ത് അഞ്ചുവിക്കറ്റ് നേടിയ രാജസ്ഥാന് പേസര് സന്ദീപ് ശര്മയാണ് പ്ലെയര് ഓഫ് ദ മാച്ച്. രാജസ്ഥാന് ആറ് ഓവറില് വിക്കറ്റ് നഷ്ടമാവാതെ 61 റണ്സ് എന്ന നിലയില് നില്ക്കുമ്പോഴാണ് മഴയെത്തിയത്.
അരമണിക്കൂറിലധികം സമയം കഴിഞ്ഞ് പുരനരാരംഭിച്ച മത്സരത്തില് 14 റണ്സെടുക്കുന്നതിനിടെ ഓപണര് ജോസ് ബട്ട്ലറിനെ നഷ്ടമായി. പിയൂഷ് ചൗളയുടെ പന്തില് ക്ലീന് ബൗള്ഡാകുകായിരുന്നു. തുടര്ന്ന് ക്യാപ്റ്റന് സഞ്ജു സാംസണെ കൂട്ടുനിര്ത്തി അതിവേഗം ലക്ഷ്യത്തിലേക്ക് നീങ്ങി.
109 റണ്സ് കൂട്ടുകെട്ടാണ് ഇരുവരും ചേര്ന്ന് ഒരുക്കിയത്. എട്ടുമത്സരങ്ങളില് നിന്ന് 14 പോയിന്റുമായി രാജസ്ഥാന് ഒന്നാം സ്ഥാനത്ത് ജൈത്രയാത്ര തുടരുന്നു.
റോയല്സിന്റെ തട്ടകത്തില് ടോസ് നേടിയ മുംബൈ ബാറ്റിങ് തെരഞ്ഞെടുത്തെങ്കിലും ഒരുഘട്ടത്തില് നൂറ് കടക്കുമോ എന്നാശങ്കിച്ചിടത്ത് നിന്ന് അഞ്ചാം വിക്കറ്റില് തിലക് വര്മയും (65) നേഹല് വധേരയും (49) നടത്തിയ ഗംഭീര ചെറുത്ത് നില്പ്പ് മുംബൈ ഇന്ത്യന്സിനെ പൊരുതാവുന്ന സ്കോറിലെത്തിച്ചത്.
20 റണ്സെടുക്കുന്നതിനിടയില് മൂന്ന് വിക്കറ്റാണ് മുംബൈക്ക് നഷ്ടമായി. ട്രെന്ഡ് ബോള്ട്ടിന്റെ പന്തില് ആറു റണ്സെടുത്ത രോഹിത് ശര്മയാണ് ആദ്യം മടങ്ങിയത്. സന്ദീപ് ശര്യുടെ അടുത്ത ഓവറില് റണ്സൊന്നും എടുക്കാതെ ഇഷാന് കിഷനും മടങ്ങി. രണ്ടു പേരും വിക്കറ്റ് കീപ്പര് സഞ്ജു സാംസണ് ക്യാച്ച് നല്കി മടങ്ങുകയും ചെയ്തു.
https://www.facebook.com/Malayalivartha