ഡിജിറ്റല്‍ ട്രാന്‍സാക്ഷന്‍ വര്‍ദ്ധിപ്പിച്ച് നോട്ടിന്റെ ഉപയോഗം പരമാവധി കുറയ്ക്കുക എന്നതായിരുന്നു നോട്ട് അസാധുവാക്കലിന്റെ ലക്ഷ്യങ്ങളിലൊന്നായി പറഞ്ഞിരുന്നത്. എന്നാല്‍ കഴിഞ്ഞ ഒരു വര്‍ഷത്തിനിടെ മൂന്ന് ലക്ഷം കോടിയുടെ വര്‍ദ്ധനവാണ് ഉണ്ടായതെന്ന് റിസര്‍വ് ബാങ്ക് പുറത്ത വിട്ട കണക്കുകള്‍ സൂചിപ്പിക്കുന്നു. 2016 നവംബര്‍ 8നാണ് കേന്ദ്രസര്‍ക്കാര്‍ 500ന്റെയും 1000ത്തിന്റെയും നോട്ടുകള്‍ അസാധുവാക്കുന്നത്. 2017 ജനുവരിയോടു കൂടി പ്രചാരത്തിലുള്ള നോട്ടുകള്‍ 9 ലക്ഷം കോടിയായി കുറഞ്ഞിരുന്നു. 2018 മാര്‍ച്ചില്‍ 18.29 ലക്ഷം കോടി നോട്ടുകളാണ് പ്രചാരത്തിലുണ്ടായിരുന്നത്. എന്നാല്‍ ഒരു വര്‍ഷം കൊണ്ടാണ് 21.41 ലക്ഷമായത്. 

വിവിധതരം ക്രയവിക്രയങ്ങള്‍ക്ക് ഡിജിറ്റല്‍ ഇടപാട് പ്രോത്സാഹിപ്പിച്ചിട്ട് പോലും നോട്ടിന്റെ ഉപയോഗത്തില്‍ ഗണ്യമായ വര്‍ദ്ധനവാണുണ്ടായത്. മാത്രമല്ല എ ടി എം ഇടപാടും വര്‍ദ്ധിച്ചു. 200648 കോടിയായിരുന്നു 2017 ജനുവരിയിലെ എ ടി എം പോയിന്റ് ഓഫ് സെയില്‍ വഴിയുള്ള ഡെബിറ്റ് കാര്‍ഡ് ട്രാന്‍സാക്ഷന്‍. എന്നാല്‍ 2018 ജനുവരിയില്‍ ഇത് 295783 കോടിയായും 2019 ജനുവരിയില്‍ 316808 കോടിയായും വര്‍ദ്ധിച്ചു. 3.16 ലക്ഷം കോടി ഡെബിറ്റ് കാര്‍ഡ് ഉപയോഗത്തിലൂടെ 2.66 ലക്ഷം കോടി രൂപയാണ് പിന്‍വലിച്ചത്. ബാങ്കുകളിലെ നിക്ഷേപനിരക്ക് കുറഞ്ഞിട്ടുണ്ടെന്നാണ് പുതിയ റിപ്പോര്‍ട്ടുകള്‍