വാഹന പ്രേമികൾക്ക് സന്തോഷ വാർത്തയുമായി ടാറ്റ മോട്ടോഴ്സ്. രണ്ടാമത്തെ ഇലക്‌ട്രിക് കാര്‍ ടിഗോര്‍ ഇവി ഇന്ന് ആഭ്യന്തര വിപണിയിലേക്ക് ഇറക്കിയിരിക്കുകയാണ്. ഈ കാര്‍ മൂന്ന് വേരിയന്റുകളില്‍ അവതരിപ്പിച്ചിരിക്കുന്നു.

ടാറ്റ നെക്‌സോണില്‍ കമ്പനി ഈ പ്രത്യേക ജിപ്‌ട്രോണ്‍ സാങ്കേതികവിദ്യ ഉപയോഗിച്ചു. ആകര്‍ഷകമായ രൂപം , സിപ്‌ട്രോണ്‍ സാങ്കേതികവിദ്യ, ഇലക്‌ട്രിക് മോട്ടോർ തുടങ്ങിയവ ക്രമീകരിച്ചിരിക്കുന്നു . സിഗ്നേച്ചര്‍ ടീല്‍, ഡെയ്‌ടോണ ഗ്രേ എന്നീ രണ്ട് നിറങ്ങളിലാണ് കാര്‍ വരുന്നത്.വെറും 5.7 സെക്കന്‍ഡില്‍ മണിക്കൂറില്‍ 0 മുതല്‍ 60 കിലോമീറ്റര്‍ വരെ വേഗത ഉണ്ടെന്ന് കമ്പനി പറയുന്നു.

ഈ കാറിന്റെ എന്‍ട്രി ലെവല്‍ XE+ വേരിയന്റിന് 11.99 ലക്ഷം രൂപയും XM വേരിയന്റിന് 12.49 ലക്ഷം രൂപയും XZ+ വേരിയന്റിന് 12.99 ലക്ഷം രൂപയും ഡ്യുവല്‍ ടോണ്‍ പെയിന്റ് സ്കീമുമായി വരുന്ന ടോപ് വേരിയന്റ് XZ+ (DT) യുടെ വില 13.14 ലക്ഷവുമാണ്.

പുതിയ Tigor EV- യുടെ ഏറ്റവും വലിയ അപ്‌ഡേറ്റ് പവര്‍ട്രെയിന്‍ മുന്‍വശത്ത് കാണാം, അതില്‍ ഇപ്പോള്‍ കമ്ബനിയുടെ Ziptron EV പവര്‍ട്രെയിന്‍ ഉണ്ട് . നെക്സണ്‍ ഇലക്‌ട്രിക്കിലാണ് ഈ സാങ്കേതികവിദ്യ ആദ്യമായി ഉപയോഗിച്ചത്. ഇതിന്റെ ഇലക്‌ട്രിക് മോട്ടോര്‍ 75 എച്ച്‌പി കരുത്തും 170 എന്‍എം പരമാവധി ടോര്‍ക്കും നൽകുന്നു.

ബാറ്ററി പായ്ക്ക് 26 kWh ശേഷിയുള്ള ലിഥിയം അയണാണ് . 8 വര്‍ഷവും 160,000 കിലോമീറ്ററും വാറണ്ടിയുണ്ട് . ഓട്ടോമൊബൈല്‍ റിസര്‍ച്ച്‌ അസോസിയേഷന്‍ ഓഫ് ഇന്ത്യ (ARAI) സാക്ഷ്യപ്പെടുത്തിയ ഒറ്റ ചാര്‍ജില്‍ ഈ കാര്‍ 306 കിലോമീറ്റര്‍ വരെ ഡ്രൈവിംഗ് റേഞ്ച് നല്‍കും.

ടിഗോര്‍ ഇവിയില്‍ ഇരട്ട എയര്‍ബാഗുകള്‍, എബിഎസ് വിത്ത് ഇബിഡി, റിയര്‍ പാര്‍ക്കിംഗ് സെന്‍സറുകള്‍, റിയര്‍ പാര്‍ക്കിംഗ് ക്യാമറ, സീറ്റ് ബെല്‍റ്റ് റിമൈന്‍ഡര്‍ എന്നിവയുണ്ട്.

7.0 ഇഞ്ച് ടച്ച്‌സ്‌ക്രീന്‍ ഇന്‍ഫോടെയ്ന്‍മെന്റ് സിസ്റ്റം, ആപ്പിള്‍ കാര്‍ പ്ലേ, ആന്‍ഡ്രോയിഡ് ഓട്ടോ, 4 സ്പീക്കറുകള്‍, 4 ട്വീറ്ററുകള്‍, ഐആര്‍എ കണക്റ്റഡ് കാര്‍ ടെക്നോളജി, മള്‍ട്ടി-ഫംഗ്ഷന്‍ സ്റ്റിയറിംഗ് വീല്‍, ഓട്ടോമാറ്റിക് ക്ലൈമറ്റ് കണ്‍ട്രോള്‍, ഡിജിറ്റല്‍ ഇന്‍സ്ട്രുമെന്റ് ക്ലസ്റ്റര്‍ എന്നിവയും ഉണ്ട്. അപ്പോൾ വേഗം തന്നെ കാർ സ്വന്തമാക്കാനുള്ള തയ്യാറുടുപ്പുകൾ തുടങ്ങൂ.