'വരനെ ആവശ്യമുണ്ട്' എന്ന സിനിമയ്ക്കെതിരെ പരാതിയുമായി യുവതി രംഗത്ത്; ഒടുവില് ക്ഷമാപണവുമായി ദുല്ഖര് സല്മാന്; പരാതിനല്കാനില്ലെന്ന് യുവതിയും
സത്യന് അന്തിക്കാടിന്റെ മകന് അനൂപ് സത്യന് സംവിധാനം ചെയ്ത 'വരനെ ആവശ്യമുണ്ട്' എന്ന സിനിമയ്ക്കെതിരെ പരാതിയുമായി യുവതി രംഗത്ത്. സിനിമ ഓണ്ലൈനിലെത്തിയതിന് തൊട്ടുപിന്നാലെയാണ് സിനിമക്കെതിരെ ആരോപണമുന്നയിച്ച് യുവതി സമൂഹ മാധ്യമത്തിലൂടെ എത്തിയിരിക്കുന്നത്. സിനിമയില് അനുവാദം കൂടാതെ തന്റെ ചിത്രം ഉപയോഗിച്ചെന്ന് വ്യക്തമാക്കി ചേതന കപൂര് എന്ന യുവതിയാണ് രംഗത്തെത്തിയത്.
തന്റെ അനുവാദമില്ലാതെ തന്റെ ചിത്രങ്ങള് സിനിമയില് ഉപയോഗിച്ചുവെന്ന് ആരോപിച്ചായിരുന്നു യുവതിയുടെ ട്വീറ്റ്. ഇതിന് തൊട്ടു പിന്നാലെ യുവതിയോടെ ക്ഷമ ചോദിച്ച് കൊണ്ട് നടന് ദുല്ഖര് സല്മാന് രംഗത്തെത്തി. ട്വിറ്ററിലൂടെയാണ് നടന്റെ പ്രതികരണം. സിനിമയില് ജോണി ആന്റണിയുടെ ഡോക്ടര് കഥാപാത്രം നടത്തുന്ന വെല്നസ് ക്ലിനിക്കിന്റെ മുന്പില് വെച്ചിരിക്കുന്ന പരസ്യ ബോര്ഡില് തന്റെ ചിത്രം സമ്മതമില്ലാതെ ഉപയോഗിച്ചുവെന്നാണ് യുവതിയുടെ ആരോപണം. സിനിമയില് ഉപയോഗിച്ച ചിത്രത്തിന്റെ സ്ക്രീന് ഷോട്ട് സഹിതമാണ് ചേതന വിമര്ശനം ഉയര്ത്തിയത്. തന്റെ ചിത്രം അനുവാദം കൂടാതെ ഉപയോഗിച്ചു എന്ന് പറഞ്ഞാണ് ടാഗ് ചെയ്തത്. യുവതിയുടെ അറിവോ സമ്മതമോ കൂടാതെയാണ് ചിത്രത്തില് അവരുടെ ചിത്രം കാണിച്ചത്. ദുല്ഖറിന്റെ സിനിമയില് അവരെ ബോഡി ഷേം ചെയ്തതായി ആരോപിക്കുകയും, നിയമനടപടി സ്വീകരിക്കുമെന്നും അവര് ട്വിറ്ററിലൂടെ അറിയിച്ചു.
യുവതിയുടെ ട്വീറ്റ് ഇപ്രകാരം
എന്നെ സിനിമയില് കാണിച്ചതിന് നന്ദി. പക്ഷേ പൊതുവേദിയില് നിന്നും ഉണ്ടാകാനിടയുള്ള ബോഡി ഷേമിങില് നിന്നും എന്നെ ഒഴിവാക്കി തരണം. സിനിമയിലെ ഈ രംഗത്തില് ഉപയോഗിച്ചിരിക്കുന്ന എന്റെ ചിത്രങ്ങള് എന്റെ അറിവോടെയോ സമ്മതത്തോടെയോ അല്ല ഉപയോഗിച്ചിരിക്കുന്നത്. ഇതിന്റെ ഉടമസ്ഥാവകാശം ക്ലെയിം ചെയ്യാന് ഞാന് ആഗ്രഹിക്കുന്നു'- യുവതി പറയുന്നു.
തുടര്ന്ന് മനപൂര്വം സംഭവിച്ചതല്ലെന്ന ക്ഷമാപണവുമായി നിര്മാതാവായ ദുല്ഖര് സല്മാനും രംഗത്തെത്തി. അവരോട് പരസ്യമായി ട്വിറ്ററിലൂടെ ക്ഷമ ചോദിക്കുകയും ചെയ്തു. സിനിമയില് അവരുടെ ചിത്രങ്ങള് എങ്ങനെയാണ് ഉപയോഗിച്ചതെന്ന് അന്വേഷിക്കുമെന്നും അദ്ദേഹം ഉറപ്പ് നല്കി. പിന്നീട് ചിത്രത്തിന്റെ സംവിധായകന് അനൂപ് സത്യന് വ്യക്തിപരമായി വിളിച്ച് മാപ്പ് ചോദിച്ചതിന് ശേഷം നിയമപരമായ വഴി സ്വീകരിക്കാനുള്ള ആശയം ഉപേക്ഷിച്ചതായി ദുല്ക്കറുടെ ക്ഷമാപണം അംഗീകരിച്ച ചേതന ട്വിറ്ററിലൂടെ പറഞ്ഞു. ദുല്ഖര് സല്മാന് പ്രൊഡക്ഷന്സിന്റെ ബാനറില് എം സ്റ്റാര് ഫിലിംസും വേ ഫെറര് ഫിലിംസും ചേര്ന്നാണ് ചിത്രം നിര്മ്മിച്ചിരിക്കുന്നത്. ചെന്നൈയില് സ്ഥിരതാമസമാക്കിയ രണ്ടുപേരുടെ കഥയാണ് ചിത്രം പറയുന്നത്. കല്യാണി, ശോഭന എന്നിവരാണ് കേന്ദ്ര കഥാപാത്രങ്ങലെ അവതരിപ്പിക്കുന്നത്. സുരേഷ് ഗോപിയും ദുല്ഖറും മറ്റു പ്രധാനകഥാപാത്രങ്ങലുമായി ചിത്രത്തില് എത്തുന്നു. ഒരു നീണ്ട ഇടവേളയ്ക്ക് ശേഷം സുരേഷ് ഗോപിയും ശോഭനയും ഒന്നിക്കുന്ന ചിത്രം കൂടിയാണ് ചിത്രം . സിന്ദൂരരേഖ, മണിച്ചിത്രത്താഴ്, രജപുത്രന്, കമ്മീഷ്ണര് അങ്ങനെ നിരവധി ചിത്രങ്ങളിലൂടെ പ്രേക്ഷക മനസില് ഇടം നേടിയ ഈ ജോടി പതിമൂന്ന് വര്ഷങ്ങള്ക്കു ശേഷമാണ് വീണ്ടുമൊരു ചിത്രത്തിന് വേണ്ടി ഒന്നിക്കുന്നത്.
ഒരേ സമയം ദുല്ഖര് നിര്മിക്കുകയും അഭിനയിക്കുകയും ചെയ്യുന്ന സിനിമയ്ക്ക് തീയേറ്ററുകളില് നിന്നും മികച്ച പ്രതികരണമായിരുന്നു ലഭിച്ചത്.
https://www.facebook.com/Malayalivartha
