യുവ നടിയുടെ ബലാത്സംഗ പരാതി വ്യാജം...! മകനെ അപകീര്ത്തിപ്പെടുത്താന് ഗൂഢാലോചന, കേസിന് പിന്നില് എറണാകുളം കേന്ദ്രീകരിച്ച് പ്രവര്ത്തിക്കുന്ന ഒരു സംഘം സിനിമാ പ്രവര്ത്തകർ, മുഖ്യമന്ത്രിക്കും ഡി ജി പിക്കും പരാതി നല്കി വിജയ് ബാബുവിന്റെ അമ്മ...!!!
നടനും നിര്മാതാവുമായ വിജയ് ബാബുവിനെതിരെയുള്ള ബലാത്സംഗ പരാതി വ്യാജമാണെന്ന് അമ്മ മായ ബാബു. മകനെതിരെയുള്ള യുവനടിയുടെ ബലാത്സംഗ കേസിന് പിന്നില് എറണാകുളം കേന്ദ്രീകരിച്ച് പ്രവര്ത്തിക്കുന്ന ഒരു സംഘം സിനിമാ പ്രവര്ത്തകരാണെന്നാണ് മായ ബാബുവിന്റെ പരാതിയില് പറയുന്നത്.
മകനെ അപകീര്ത്തിപ്പെടുത്താന് ഗൂഢാലോചന നടന്നിട്ടുണ്ടെന്നും സംഭവത്തെക്കുറിച്ച് വിശദമായി അന്വേഷിക്കണമെന്നും ആവശ്യപ്പെട്ട് മായ ബാബു മുഖ്യമന്ത്രിക്കും ഡി ജി പിക്കും പരാതി നല്കി. അതേസമയം വിജയ് ബാബു ഇപ്പോള് വിദേശത്ത് ഒളിവില് കഴിയുകയാണ്. നടന് ഹൈക്കോടതിയില് സമര്പ്പിച്ച മുന്കൂര് ജാമ്യാപേക്ഷ മേയ് 18 നാണ് പരിഗണിക്കുന്നത്.
പോലീസിന്റെ അപേക്ഷയെത്തുടര്ന്ന് ഇയാള്ക്കായി ഇന്റര്പോള് ബ്ലൂ കോര്ണര് നോട്ടീസ് പുറപ്പെടുവിച്ചിരുന്നു. ഇതില് ഇതുവരെ യു.എ.ഇ.യില് നിന്ന് കൊച്ചി പോലീസിന് മറുപടി കിട്ടിയിട്ടില്ല. വിജയ് ബാബു അവിടെ എത്തിയ കാര്യം യു.എ.ഇ. എംബസിയിലും പോലീസ് അറിയിച്ചിട്ടുണ്ട്.
ഇയാളുടെ മേല്വിലാസം കിട്ടിയാല് മാത്രമേ അടുത്തപടിയായ റെഡ്കോര്ണര് നോട്ടീസ് പുറത്തിറക്കാനാകൂ. റെഡ്കോര്ണര് നോട്ടീസ് പുറപ്പെടുവിച്ചാല് ബന്ധപ്പെട്ടയാളെ നാട്ടിലേക്ക് കയറ്റിയയയ്ക്കാന് അവിടത്തെ പോലീസ് നിര്ബന്ധിതരാകും.
മേല്വിലാസം കിട്ടാത്തതിനാല് ആ നടപടിയിലേക്ക് കടക്കാനായില്ല. പീഡനക്കേസില് അന്വേഷണം ഏറക്കുറെ പൂര്ത്തിയായതായി സിറ്റി പോലീസ് കമ്മിഷണര് സി.എച്ച്. നാഗരാജു വ്യക്തമാക്കി.
സിനിമയില് അവസരങ്ങള് വാഗ്ദ്ധാനം ചെയ്ത് നിരവധി തവണ വിജയ് ബാബു ബലാത്സംഗം ചെയ്തെന്നാരോപിച്ച് ഏപ്രില് 22നാണ് നടി പൊലീസില് പരാതി നല്കിയത്. കഴിഞ്ഞ മാര്ച്ച് 13 മുതല് ഏപ്രില് 14 വരെയുള്ള ദിവസങ്ങളില് അഞ്ച് സ്ഥലത്ത് തന്നെ കൊണ്ടുപോയി പീഡിപ്പിച്ചിട്ടുണ്ടെന്നാണ് യുവതിയുടെ മൊഴിയില് ഉള്ളത്.
https://www.facebook.com/Malayalivartha
