ലോക്ക് ഡൌൺ ലങ്കിച്ച് സുഹൃത്തുക്കൾക്കൊപ്പം കാറിൽ കറങ്ങി നടന്നതിന് മോഡൽ പൂനം പാണ്ഡെയെ പോലീസ് അറസ്റ്റ് ചെയ്തു.സംവിധായകനായ സാം അഹമ്മദാണ്​ പൂനത്തിനൊപ്പമുണ്ടായിരുന്നത്​. ഞായറാഴ്​ച രാത്രി എട്ട്​ മണിയോടെയാണ്​ സംഭവം. ഇരുവരും സഞ്ചരിച്ച ബി.എം.ഡബ്ല്യു കാറും ​പൊലീസ്​ പിടിച്ചെടുത്തിട്ടുണ്ട്​.

പൂനം പാണ്ഡെ അറസ്​റ്റിലായ വിവരം ഡെപ്യൂട്ടി കമ്മീഷണർ സാൻഗ്രാസിങ്​ നിഷാന്ദർ സ്ഥിരീകരിച്ചു. ഇരുവർക്കുമെതിരെ ഐ.പി.സി സെക്ഷൻ 188, 269 തുടങ്ങിയ വകുപ്പുകൾക്കൊപ്പം ദേശീയ ദുരന്തനിവാരണ നിയമത്തിലെ വകുപ്പുകളും ചുമത്തിയിട്ടുണ്ട്​.