വെഞ്ഞാറമൂട് സി.ഐയുടെ കൊവിഡ് ടെസ്റ്റ് നെഗറ്റീവായതോടെ ക്വാറന്റൈന്‍ കാലാവധി അവസാനിച്ചെന്ന് സുരാജ് വെഞ്ഞാറമൂട്. ക്വാറന്റൈന്‍ കാലാവധി പൂര്‍ത്തിയാക്കിയതായി ആരാധകരെ അറിയിച്ചിരിക്കുകയാണ് താരം. ഫേസ്ബുക്കിലൂടെയാണ് സുരാജ് ഇക്കാര്യം അറിയിച്ചത്.

സ്‌റ്റേഷനിലെ റിമാന്റ് പ്രതിക്ക് കൊവിഡ് സ്ഥിരീകരിച്ചിരുന്നു. കൃഷിയിറക്കല്‍ ചടങ്ങിന്റെ ഭാഗമായി വെഞ്ഞാറമൂട് സ്‌റ്റേഷനിലെ പോലീസുകാര്‍ക്കൊപ്പം സുരാജ് വെഞ്ഞാറുമൂടും വാമനപുരം എം.എല്‍.എ എ.ഡി.കെ മുരളിയും പരിപാടിയില്‍ പങ്കെടുത്തിരുന്നു. ഇതേ തുടര്‍ന്നാണ് താരം ഹോം ക്വാറന്റൈനിലായത്.

ഫേസ്ബുക്ക് പോസ്റ്റിന്റെ പൂര്‍ണരൂപം

പ്രിയപ്പെട്ടവരെ.
വെഞ്ഞാറമൂട് പോലീസ് അറസ്റ്റ് ചെയ്ത് ജുഡീഷ്യല്‍ കസ്റ്റഡിയില്‍ വിട്ട ഒരു പ്രതിയ്ക്ക് കോവിഡ് പോസിറ്റീവ് ആയത് കൊണ്ട് ഞാനും, എം എല്‍ എ യും , നെല്ലനാട് പഞ്ചായത്ത് പ്രസിഡന്റും ഉള്‍പ്പടെ പങ്കെടുത്ത വെഞ്ഞാറമൂട് SCB  ആരംഭിച്ച സുഭിക്ഷ കേരളം പദ്ധതിയുടെ ഭാഗമായ കൃഷി ഇറക്കല്‍ ചടങ്ങില്‍ വെഞ്ഞാറമൂട്
Cl യും പങ്കെടുത്ത കാരണത്താല്‍.
Secondary contact list - ല്‍ പ്പെട്ട് ഞാനും മറ്റുള്ളവരും Home quarantine -  ലേക്ക്
പോയ വിവരം എല്ലാവരേയും അറിയിച്ചിരുന്നു.

ഇപ്പോള്‍ വെഞ്ഞാറമൂട് Cl  യുടെ
Swab  റിസള്‍ട്ട് നെഗറ്റീവായി കണ്ടെത്തിയതിനാല്‍
Cl യും Secondary contact -  ല്‍
ഉള്ള ഞങ്ങളും
നിരീക്ഷണത്തില്‍ നിന്നും മോചിതരായെങ്കിലും തുടര്‍ന്നും ഏഴ് ദിവസം കൂടെ നിരീക്ഷണത്തില്‍ ഇരിക്കാന്‍ തീരുമാനിച്ചു , ആ നിരീക്ഷണ കാലാവധി ഇന്നലെ ജൂണ്‍ 5 ന് അവസാനിച്ച വാര്‍ത്തയും ഞാന്‍
നിങ്ങളുമായും പങ്കുവയ്ക്കുന്നു.

Home quarantine  ആയ വാര്‍ത്തയറിഞ്ഞ് നാട്ടില്‍ നിന്നും, ഇതര സംസ്ഥാനങ്ങളില്‍ നിന്നും,
വിദേശത്ത് നിന്നും ഫോണില്‍ വിളിച്ചും, മറ്റന്വേക്ഷണങ്ങളിലൂടെയും സ്‌നേഹവും, സൗഹൃദവും, കരുതലും
പങ്കുവച്ചവര്‍ നിരവധിയാണ്.
വിളിച്ചാല്‍ ബുദ്ധിമുട്ടാകുമോയെന്ന ധാരണയില്‍ മറ്റുതരത്തില്‍ കാര്യങ്ങള്‍
അന്വേക്ഷിച്ചറിഞ്ഞവരും ഉണ്ട്.

എല്ലാവരുടെയും സ്‌നേഹം ഒരിക്കല്‍ കൂടി അനുഭവിക്കാന്‍ കഴിഞ്ഞതിന്റെ സന്തോഷം പറഞ്ഞറിയിക്കാനാകാത്തതാണ്.
നന്ദി പറഞ്ഞ് പിരിയേണ്ടവരല്ലല്ലോ
നമ്മളൊക്കെ തമ്മില്‍ എന്നത് കൊണ്ട്
ഞാനതിന് തുനിയുന്നില്ല.

സ്‌നേഹപൂര്‍വ്വം
സുരാജ് വെഞ്ഞാറമൂട്