ചിമ്പുവിന് ജാതകമനുസരിച്ച് പൊരുത്തമുള്ള അനുയോജ്യയായ വധുവിനായുള്ള അന്വേഷണത്തിലാണ് ഞങ്ങള്! ലണ്ടന് സ്വദേശിയായ യുവതിയുമായി കല്യാണം? തുറന്ന് പറഞ്ഞ് അച്ഛന് രാജേന്ദര്
പ്രണയവും ബ്രേക്ക് അപ്പുമായി തമിഴ് സിനിമ ഗോസിപ്പ് കോളങ്ങളില് നിറഞ്ഞ് നിന്നിരുന്ന താരമാണ് ചിമ്ബു. ഇപ്പോഴിതാ താരത്തിന്റെ വിവാഹത്തെക്കുറിച്ചുള്ള പുതിയ വാര്ത്തയാണ് കോളിവുഡില് ചര്ച്ച വിഷയമായിരിക്കുന്നത്.
ലണ്ടന് സ്വദേശിയായ യുവതിയുമായി ലോക്ക്ഡൗണ് തീരുന്നതോടെ ചിമ്ബുവിന്റെ വിവാഹം ഉണ്ടാവുമെന്നാണ് വാര്ത്തകള് പ്രചരിക്കുന്നത്. എന്നാല് ഇതില് പ്രതികരണവുമായി എത്തിയിരിക്കുകയാണ് ചിമ്ബുവിന്റെ അച്ഛനും നടനും സംവിധായകനും നിര്മ്മാതാവുമായ ടി.രാജേന്ദറും ഭാര്യ ഉഷയും.
തങ്ങള് ചിമ്ബുവിന് അനുയോജ്യയായ പെണ്കുട്ടിക്കായുള്ള അന്വേഷണത്തിലാണെന്നും എന്നാല് ഇപ്പോള് പ്രചരിക്കുന്ന വാര്ത്തകള് വ്യാജമാണെന്നും ഇവര് പറഞ്ഞു. 'ചിമ്ബുവിന് ജാതകമനുസരിച്ച് പൊരുത്തമുള്ള അനുയോജ്യയായ വധുവിനായുള്ള അന്വേഷണത്തിലാണ് ഞങ്ങള്.
ആ പെണ്കുട്ടിയെ കണ്ടെത്തിയാല് അറിയിക്കുന്നതായിരിക്കും. അതുവരെ ഞങ്ങളുടെ മകന്റെ വിവാഹത്തെക്കുറിച്ചുള്ള വ്യാജ വാര്ത്തകള് പ്രചരിപ്പിക്കരുത്'. രാജേന്ദര് പത്രസമ്മേളനത്തില് വ്യക്തമാക്കി.
https://www.facebook.com/Malayalivartha
