സുശാന്ത് സിങ് രാജ്പുതിന്റെ മൃതദേഹം ഡോ.ആര്എന് കൂപ്പര് മുന്സിപ്പല് ജനറല് ആശുപത്രിയിലേക്ക് മാറ്റി! സുശാന്തിന്റെ വീട്ടിലേയ്ക്ക് ജനപ്രവാഹം; കോവിഡ് പരിശോധനയ്ക്കായി സ്രവം എടുത്ത ശേഷം പോസ്റ്റുമോര്ട്ടം
ഇന്നലെ ബാന്ദ്രയിലെ വസതിയില് മരിച്ച നിലയില് കാണപ്പെട്ട നടന് സുശാന്ത് സിങ് രാജ്പുതിന്റെ മൃതദേഹം ഡോ.ആര്എന് കൂപ്പര് മുന്സിപ്പല് ജനറല് ആശുപത്രിയിലേക്ക് മാറ്റി. കോവിഡ് പരിശോധനയ്ക്കായി സ്രവം എടുത്ത ശേഷം പോസ്റ്റുമോര്ട്ടത്തിനു വിധേയമാക്കും.
സുശാന്തിന്റെ മരണം ആത്മഹത്യ തന്നെയാണെന്നാണ് പൊലീസിന്റെ നിഗമനം. എന്നാല് ആത്മഹത്യക്കുറിപ്പൊന്നും കണ്ടെടുത്തിട്ടില്ല.
യഥാര്ഥ മരണകാരണം പോസ്റ്റുമോര്ട്ടം റിപ്പോര്ട്ടു ലഭിച്ച ശേഷമെ പറയാന് സാധിക്കൂ എന്ന് ഡിസിപി അഭിഷേക് ത്രിമുഖെ അറിയിച്ചു.
മരണവാര്ത്ത അറിഞ്ഞതിനു പിന്നാലെ സുശാന്തിന്റെ ജന്മനാടായ ബിഹാറിലെ പട്നയിലെ വീട്ടിനു മുന്പില് ആളുകള് തടിച്ചുകൂടി.
ഞായറാഴ്ച ഉച്ചക്കഴിഞ്ഞാണ് സുശാന്തിനെ ബാന്ദ്രയില് ഉള്ള വസതിയില് തൂങ്ങിമരിച്ച നിലയില് കണ്ടെത്തിയത്.
അതേസമയം താരത്തിന്റെ മരണ വാര്ത്ത പുറത്തു വന്നതിന് പിന്നാലെ നിരവധി അഭ്യുഹങ്ങള് പ്രചരിക്കുന്നുണ്ട്. മാനേജര് ദിഷയുടെ മരണവുമായി നടന്റെ ആത്മഹത്യ ചേര്ത്തു വായിക്കുകയാണ് മീഡിയ. ഇപ്പോഴിതാ മാധ്യമങ്ങളോടും പപ്പരാസികളോടും അഭ്യര്ഥനയുമായി സുശാന്തിന്റെ ടീം എത്തിയിരിക്കുകയാണ്.
അദ്ദേഹത്തിന്റെ മരണ വാര്ത്ത ഔദ്യോഗികമായി അറിയിക്കുന്നതിനോടൊപ്പം താരത്തിന്റെ സ്വകാര്യ ജീവിതത്തിലേയ്ക്ക് കടന്ന് കയറരുതെന്ന് ഇവര് അഭ്യര്ഥിക്കുന്നു.
സുശാന്ത് സിങ് രജ്പുത്ത് നമ്മളോടൊപ്പമില്ല എന്ന വിവരം ദുഃഖത്തോടെ അറിയിക്കുന്നു. നിങ്ങള് ഇതുവരെ ചെയ്തത് പോലെ അദ്ദേഹത്തിന്റെ സിനിമയും ജീവിതവും ആഘോഷമാക്കുകയും ഓര്മിക്കുകയും ചെയ്യുക.
ഈ ദുഃഖ സമയത്ത് അദ്ദേഹത്തെ സ്വകാര്യതയെ സംരക്ഷിക്കാന് മാധ്യമങ്ങള് ഞങ്ങളെ സഹായിക്കണമെന്ന് അഭ്യര്ഥിക്കുന്നു- താരത്തിന്റെ ടീം പുറത്തിറക്കിയ പത്ര കുറിപ്പില് പറയുന്നു.
https://www.facebook.com/Malayalivartha
