വ്യക്തിപരവും 'രാഷ്ട്രീയ'വുമായ ചില കാരണങ്ങളാല് ഡബ്ല്യുസിസി (വിമന് ഇന് സിനിമാ കളക്ടീവ്) വിടുകയാണെന്ന് സംവിധായിക വിധു വിന്സെന്റ്
വ്യക്തിപരവും 'രാഷ്ട്രീയ'വുമായ ചില കാരണങ്ങളാല് ഡബ്ല്യുസിസി (വിമന് ഇന് സിനിമാ കളക്ടീവ്) വിടുകയാണെന്ന് സംവിധായിക വിധു വിന്സെന്റ്. ഫേസ് ബുക്ക് പോസ്റ്റിലാണ് കുറിപ്പ് . ഡബ്ല്യുസിസി ആത്മവിമര്ശനം നടത്തണം എന്ന സൂചനയും വിധു തന്റെ കുറിപ്പിലൂടെ നല്കുന്നുണ്ട്..
മാധ്യമങ്ങള്ക്ക് മുന്നില് ഡബ്ല്യുസിസി നിലപാടുകള് പലപ്പോഴും വിശദീകരിച്ചിരുന്ന വിധു വിന്സെന്റിന്റെ പുതിയ പ്രഖ്യാപനം . ഡബ്ല്യുസിസിയ്ക്കകത്തുള്ള രൂക്ഷമായ ഭിന്നതയുടെ സൂചനയാണ് എന്നാണ് ഉയരുന്ന ചര്ച്ചകള്.
വിധു വിന്സെന്റിന്റെ ഫേസ്ബുക് കുറിപ്പ് ഇങ്ങനെ
വ്യക്തിപരവും രാഷ്ട്രീയവുമായ ചില കാരണങ്ങളാല് വിമന് ഇന് സിനിമാ കളക്ടീവിനോടൊപ്പമുള്ള യാത്ര അവസാനിപ്പിക്കുകയാണ്.പലപ്പോഴും ണഇഇ യുടെ നിലപാടുകള് മാധ്യമ ലോകവുമായി പങ്കുവച്ചിരുന്ന ഒരാളെന്ന നിലയില് മാധ്യമ സുഹൃത്തുക്കള് ഇത് ഒരു അറിയിപ്പായി കരുതുമല്ലോ. സ്ത്രീകള്ക്ക് സിനിമ ചെയ്യാനും സ്ത്രീ സൗഹാര്ദ്ദപരമായ അന്തരീക്ഷം സിനിമക്ക് അകത്തും പുറത്തും സൃഷ്ടിക്കാനും ണഇഇ തുടര്ന്നും നടത്തുന്ന യോജിപ്പിന്റെ തലങ്ങളിലുള്ള ശ്രമങ്ങള്ക്ക് എല്ലാ പിന്തുണയും, ഒപ്പം മുന്നോട്ടുള്ള യാത്രയില് ആത്മവിമര്ശനത്തിന്റെ കരുത്ത് ണഇഇ ക്കുണ്ടാകട്ടെ എന്നും ആശംസിക്കുന്നു.
2018 ആദ്യം കൊച്ചിയില് നടി ആക്രമിക്കപ്പെട്ട സംഭവത്തെ തുടര്ന്ന് സിനിമ സംഘടനകളുടെ നിലപാടില് അതൃപ്തി രേഖപ്പെടുത്തിയും സിനിമാ മേഖലയിലെ സ്ത്രീകള് നേരിടുന്ന പ്രശ്നങ്ങള് ഉയര്ത്തിക്കാട്ടിയുമാണ് ഡബ്ല്യുസിസി രൂപീകരിച്ചത്. മഞ്ജുവാര്യര്, റിമ കല്ലിങ്കല്, പാര്വതി, രേവതി, ബീന പോള്, പദ്മപ്രിയ, സജിത മഠത്തില്, രമ്യ നമ്പീശന് തുടങ്ങിയവര് നേതൃനിരയിലുണ്ടായിരുന്നു. അഭിനേതാക്കളും സാങ്കേതികപ്രവര്ത്തകരുമടക്കം സിനിമയുടെ വിവിധ മേഖലകളില് പ്രവര്ത്തിക്കുന്ന സ്ത്രീകളാണ് സംഘടന രൂപീകരിച്ചത്. സിനിമ മേഖലയില് സ്ത്രീകള് നേരിടുന്ന ചൂഷണങ്ങളും പ്രശ്നങ്ങളും പരിഹരിക്കാന് സര്ക്കാര് ഇടപെടല് ആവശ്യപ്പെട്ട് ഡബ്ല്യുസിസി പ്രതിനിധികള് മുഖ്യമന്ത്രി പിണറായി വിജയന് നിവേദനം നല്കിയിരുന്നു. ഇതേത്തുടര്ന്നാണ് സിനിമാരംഗത്തെ സ്ത്രീകളുടെ പ്രശ്നങ്ങള് പഠിക്കാന് ജസ്റ്റിസ് ഹേമ കമ്മീഷനെ സര്ക്കാര് നിയോഗിച്ചത്. താരസംഘടനയായ എഎംഎംഎയ്ക്ക് വലിയ പ്രതിസന്ധിയാണ് ഡബ്ല്യുസിസി ഉണ്ടാക്കിയത്. എന്നാല് മഞ്ജു വാര്യര് അടക്കമുള്ളവര് പിന്നീട് സിനിമ മേഖലയിലെ സമ്മര്ദ്ദം മൂലം ഡബ്ല്യുസിസി പ്രവര്ത്തനങ്ങളില് നിന്ന് മാറിനില്ക്കുന്നതായി സൂചനകളുണ്ടായിരുന്നു.
"
https://www.facebook.com/Malayalivartha