വല്ല പണിക്കും പോയി കുടുംബം പോറ്റാന് നോക്കൂ എന്ന് സീമ ജി നായര്
മോഹന്ലാലിന്റെ മകള് വിസ്മയ മോഹന്ലാലിനെതിരെ സോഷ്യല് മീഡിയയില് ഉണ്ടായ സൈബര് ആക്രമണത്തിനെതിരെ രൂക്ഷമായ ഭാഷയിലാണ് നടി സീമ ജി നായര് പ്രതികരിച്ചത്. ഇത്രയധികം വലിച്ചു കീറാന് വിസ്മയ എന്താണ് ചെയ്തത്. ഈ ജനാധിപത്യ രാജ്യത്തില് സ്വന്തം അഭിപ്രായം പറയാനുള്ള സ്വാതന്ത്ര്യംപോലും ഇല്ലേ എന്നാണ് സീമ ജി നായര് ചോദിച്ചത്. ഒരു പണിയും ഇല്ലാതെ ഒരു പണിക്കും പോകാതെ ഇരുന്ന് തെറിവിളിക്കുന്നവരോട് ഒന്നേ പറയാനുള്ളു. വല്ല പണിക്കും പോയി കുടുംബം പോറ്റാന് നോക്കൂ എന്നും സീമ ഫേസ്ബുക്കില് കുറിച്ചിരുന്നു.
എന്നാല് ഇതിന് താഴെ ഒരാള് പങ്കുവച്ച കമന്റാണ് ഇപ്പോള് സോഷ്യല് മീഡിയയില് വൈറലാകുന്നത്. പേളി മാണി സൈബര് അറ്റാക്ക് നേരിട്ടപ്പോള് നിങ്ങള് ഉറങ്ങുകയായിരുന്നോ എന്നാണ് അയാള് ചോദിച്ചത്. ഈ കമന്റിന് സീമ മറുപടി നല്കുകയും ചെയ്തു. 'പേളി മാണി സൈബര് അറ്റാക്ക് നേരിട്ടപ്പോള് നിങ്ങള് ഉറങ്ങുകയായിരുന്നോ. അപ്പോള് നിങ്ങള് നന്മ മരം ഒന്നുമല്ല ഫേക്ക് ആണ്. കാരണം മോഹന്ലാലിനെ സന്തോഷിപ്പിച്ചാല് നിങ്ങള്ക്ക് ഗുണമുണ്ട്. പേളി മാണിയെയോ രേണു സുധിയെയോ ഒക്കെ സപ്പോര്ട്ട് ചെയ്തിട്ട് എന്ത് കിട്ടാനാണ്'കമന്റായി കുറിച്ചു.
എന്നാല് ഈ കമന്റിന് മറുപടിയുമായി സീമ രംഗത്തെത്തി. 'അപ്പോള് ഞാന് ഉറങ്ങി' എന്നാണ് സീമ ഇതിന് മറുപടിയായി കുറിച്ചത്. സീമയുടെ മറുപടിയെ പിന്തുണച്ച് ഒട്ടേറെ പേര് രംഗത്തെത്തി. രേണു സുധിക്ക് വേണ്ട കാര്യങ്ങള് എല്ലാം ചെയ്ത് കൊടുത്തത് സീമ ജി നായരാണെന്ന് ഒരാള് അതിന് താഴെ കമന്റായി കുറിച്ചു.
https://www.facebook.com/Malayalivartha
