മലയാള സിനിമ പ്രേക്ഷകർക്കിടയിലേയ്ക്ക് ഒട്ടനവധി നല്ല വേഷങ്ങൾ സമ്മാനിച്ച നടിയാണ് കനകലത. അമ്മ, സഹനടി വേഷങ്ങളിലാണ് താരം ഏറെയും തിളങ്ങിയത്. എന്നാൽ ഒരുകാലത്ത് മലയാള സിനിമകളിലെ പ്രധാന സ്ത്രീ കഥാപാത്രങ്ങൾ അഭിനയിച്ച കനകലതയുടെ കലാജീവിതത്തിൽ വന്നുപോയ ചില ചിത്രങ്ങൾ തിരഞ്ഞെടുക്കുന്നതിൽ നടിക്ക് പിഴവ് വന്നിട്ടുണ്ട്.

മലയാള സിനിമയിൽ തരംഗമായി മാറിയ ചൂടൻ ഷക്കീല ചിത്രങ്ങളിൽ കനകലത ഒരുപാട് വേഷങ്ങൾ ചെയ്തിട്ടുണ്ട്. ഇത്തരം വേഷങ്ങൾ ചെയ്തതിനെ കുറിച്ച് ഒരു അഭിമുഖത്തിൽ ഇവർ തുറന്ന് പറഞ്ഞിട്ടുണ്ട്. മലയാളത്തിൽ സജ്ജീവമായ നടിയായിട്ടും എന്തുകൊണ്ടാണ് ഇത്തരം ഷക്കീല ചിത്രങ്ങളിൽ നിങ്ങൾ ഓടി നടന്ന് അഭിനയിക്കുന്നത് എന്നാണ് അഭിമുഖം ചെയ്തയാൾ ചോദിച്ചത്. ഷക്കീല,സിനിമകൾ മലയാളത്തിൽ തരംഗമായിരുന്ന കാലത്ത് ഇവർ ഒരുപാട് ഷക്കീല സിനിമകളിൽ അഭിനയിച്ചിട്ടുണ്ട്, ഇത് മുൻനിർത്തിയായിരുന്നു അഭിമുഖം നടത്തുന്ന വ്യക്തി അങ്ങനെയൊരു ചോദ്യം ചോദിച്ചത്. എന്നാൽ അതിന് മറുപടിയായി കനകലത പറഞ്ഞ വാക്കുകൾ ശ്രദ്ധിക്കപ്പെട്ടിരുന്നു.

നിങ്ങൾ പട്ടിണി കിടന്നിട്ടുണ്ടോ..ഭക്ഷണം ഇല്ലാതെ ദിവസങ്ങൾ തള്ളി നീക്കിയിട്ടുണ്ടോ..എന്നാൽ എന്റെ ജീവിതത്തിൽ അങ്ങനെ സംഭവിച്ചിട്ടുണ്ട്..സിനിമയിൽ വന്ന ശേഷവും ഞാൻ പട്ടിണി കിടന്നിട്ടുണ്ട്,കയ്യിൽ പത്ത് പൈസ ഇല്ലാതെ അലഞ്ഞിട്ടുണ്ട്..ഈ പറയുന്നവരൊന്നും എനിക്ക് തിന്നാൻ കൊണ്ട് വന്നു തരില്ല..ഞാൻ ജോലി ചെയ്താൽ മാത്രമേ എന്റെ വീട്ടിൽ അടുപ്പ് പുകയുകയുള്ളൂ,ആ തിരിച്ചറിവ് എനിക്കുള്ളത് കൊണ്ടാണ് അത്തരം സിനിമകളിൽ ഞാൻ അഭിനയിക്കാൻ പോയതെന്നായിരുന്നു ഇവരുടെ മറുപടി ..

നാടകാഭിനയത്തിലൂടെ കലാരംഗത്തെത്തിയ കനകലത 30 വർഷങ്ങളായി നാടക -ടെലിസീരിയൽ - ചലച്ചിത്ര രംഗങ്ങളിൽ പ്രവർത്തിക്കുകയാണ്.പരമേശ്വരൻ പിളളയുടെയും ചിന്നമ്മയുടെയും മകളായി ഓച്ചിറയിൽ ജനിച്ച കനക ലത 450 ലധികം ടെലിവിഷൻ സീരിയലുകളിലും അഭിനയിച്ചിട്ടുണ്ട്.

ഒൻപതാം ക്ലാസിൽ പഠിയ്ക്കുമ്പോളാണ് കനകലത ആദ്യമായി സിനിമയിൽ അഭിനയിക്കുന്നത്. പി എ ബക്കർ സംവിധാനം ചെയ്ത ഉണർത്തുപാട്ടായിരുന്നു കനകലതയുടെ ആദ്യചിത്രം. എന്നാൽ ആ സിനിമ റിലീസായില്ല. തുടർന്ന് ലെനിൻ രാജേന്ദ്രന്റെ "ചില്ല്" എന്ന സിനിമയിൽ പ്രാധാന്യമുള്ള ഒരു വേഷം കിട്ടിയതോടെയാണ് കനകലത സിനിമയിൽ ചുവടുറപ്പിയ്ക്കുന്നത്.