ഇതെന്താണ് ഷോക്കടിച്ചോ...! ; ലെനയുടെ 'കുമ്പിടി സ്റ്റൈൽ' ഏറ്റെടുത്ത് ആരാധകർ
മലയാളത്തിലെ ചുരുക്കം ചില ബോൾഡ് നായികമാരിൽ മുൻ പന്തിയിൽ നിൽക്കുന്ന നടിയാണ് ലെന. സ്നേഹം എന്ന ജയരാജ് ചിത്രത്തിലൂടെ മലയാള സിനിമയിലേക്ക് ചുവടുവെച്ചെത്തിയ ലെന ഇന്ന് മലയാള സിനിമയുടെ അവിഭാജ്യ ഘടകമായി മാറിക്കഴിഞ്ഞു. ഏത് പ്രായത്തിലുള്ള വേഷവും വളരെ തന്മയത്വത്തോടെ അഭിനയിച്ച് പ്രതിഫലിപ്പിക്കാൻ കഴിയുന്ന അത്യപൂര്വ്വം മലയാളി നടിമാരിൽ ഒരാൾ കൂടിയാണ് ലെന.
അതേസംമയം പലതരം മേക്കോവറിലൂടെയും ആരാധകരെ അത്ഭുതപെടുത്താറുള്ള ലെന ഇപ്പോൾ താരത്തിന്റെ പണി പാളിയ ഒരു മേക്കോവറുമായാണ് രംഗത്തെത്തിയിരിക്കുന്നത്. സോഷ്യല് മീഡിയയില് ഏറെ സജീവമായ താരം തന്റെ വിശേഷങ്ങൾ എല്ലാം ആരാധകരുമായി പങ്കു വയ്ക്കാറുണ്ട് .
ഇത്തരത്തിൽ താരം തന്റെ ചിത്രം ഇപ്പോൾ പങ്കുവെച്ചിരിക്കുന്നത് കഴിഞ്ഞ വര്ഷം ഇതേസമയം ഞാന് മുടിയൊന്ന് ചുരുട്ടാന് ശ്രമിച്ചു..ഇനി ആവര്ത്തിക്കില്ല" എന്ന ക്യാപ്ഷനോടെയാണ്. എന്നാൽ ലെനയുടെ ചിത്രം കണ്ട് ഞെട്ടിയിരിക്കുകയാണ് ആരാധകര്. ചിത്രത്തിന് ചുവടെ അധികം ലഭിക്കുന്ന കമന്റ് ഷോക്കടിച്ചോ എന്നാണ്.
നന്ദനത്തിലെ ജഗതിയുടെ കഥാപാത്രമായ കുമ്പിടിയുടെ ഹെയര് സ്റ്റൈലുമായി സോഷ്യൽ മീഡിയ താരത്തിന്റെ ചിത്രത്തെ ഇപ്പോൾ താരതമ്യ ചെയ്യുന്നുണ്ട്. അതോടൊപ്പം പോസ്റ്റിന് ചുവടെ ബ്യൂട്ടി വേഴ്സസ് സൈക്കോ, കൊറോണ ഹെയര്സ്റ്റൈല് എന്നൊക്കെയുള്ള കമന്റുകളും വരുന്നുണ്ട്. എന്നാൽ നടി ശ്രിന്ദ ലെനയുടെ ഹെയര്സ്റ്റൈല് വളരെ ക്യൂട്ടായിട്ടുണ്ട് എന്നൊക്കെയാണ് കമന്റ് ചെയ്തിരിക്കതുന്നത്.
ഫാഷൻ സംബന്ധിച്ചുള്ള തന്റെ ധാരണകൾ താരം മുൻപും വ്യക്തമാക്കിയിട്ടുണ്ട്. വളരെ കഷ്ടപ്പെട്ട് വസ്ത്രം ധരിക്കാന് തനിയ്ക്ക് പറ്റില്ലെന്നാണ് താരം പറയുന്നത്. ഫാഷന് എന്തായാലും തനിയ്ക്ക് ചേരുന്ന രീതിയില് ധരിക്കണം എന്നാണ് എന്റെ ആഗ്രഹം. എന്ത് ഫാഷനായാലും സുഖകരമായി തനിയ്ക്ക് വസ്ത്രം ധരിക്കണമെന്നും ലെന തുറന്ന് പറഞ്ഞിരിക്കുകയാണ്. ഫാഷനെ കുറിച്ച് അധികം ചിന്തിക്കാത്ത ആളാണ്. എന്താണ് ഇപ്പോഴത്തെ ട്രെന്റിങ്ങെന്ന് പോലും എനിയ്ക്ക് അറിയില്ല. എന്നാല് എനിയ്ക്ക് മിക്സ് ചെയ്ത് മാച്ച് ചെയ്ത് ധരിക്കാനാണ് ഏറ്റവും ഇഷ്ടം ലെന അതോടൊപ്പം പറഞ്ഞിരുന്നു.
https://www.facebook.com/Malayalivartha