62 ൽ നിന്നും 54 കിലോയിലേയ്ക്ക്....കഷ്ടപ്പെട്ടു ഒരുപാട്; ആരാധകർക്കായി ചിത്രങ്ങൾ പങ്കു വച്ച് കരിക്ക് ഫെയിം അമേയ മാത്യു
മലയാളി പ്രേക്ഷകർക്കിടയിലേയ്ക്ക് തരംഗമായി മാറിയ ഹിറ്റ് വെബ്ബ് സീരീസ് കരിക്കിലൂടെ ശ്രദ്ധ ആകർഷിച്ച താരമാണ് അമേയ മാത്യു. ചുരുങ്ങിയ കാലയിളവ് കൊണ്ട് തന്നെ അമേയ യ്ക്ക് ആരാധകർക്കിടയിൽ തനിക്കായി സ്ഥാനം പിടിക്കാൻ കഴിഞ്ഞു.
അമേയയുടെ ഹോട്ട് ഫോട്ടോഷൂട്ട് വീഡിയോ സോഷ്യല് മീഡിയയില് പ്രചരിച്ചതോടെയാണ് താരത്തിന് ഏറെ ആരാധകരേയും ലഭിച്ചത്. നിരവധി മലയാള സിനിമയിലും ശ്രദ്ധേയ വേഷത്തിലെത്തിയ അമേയ അറിയപ്പെടുന്ന മോഡല് കൂടിയാണ്.
എന്നാൽ ഇപ്പോൾ ശരീര ഭാരം എട്ട് കിലോ കുറച്ച് ആരാധകരെ ഞെട്ടിച്ചിരിക്കുകയാണ് താരം. വണ്ണം കുറഞ്ഞുപോയതിന്റെ പേരിൽ നഷ്ടപ്പെട്ട അവസരങ്ങളിൽ വിഷമം തോന്നിയിട്ടുണ്ടെന്നും ഇപ്പോഴത്തെ ഈ പരിണാമം ഒരുപാട് കഷ്ടപ്പാട് നിറഞ്ഞതായിരുന്നുവെന്നും അമേയ തുറന്ന് പറയുന്നു. തന്റെ ഇൻസ്റ്റാഗ്രാം പോസ്റ്റിലൂടെയായിരുന്നു അമേയ ചിത്രങ്ങൾ പങ്കു വച്ച് രംഗത്തെത്തിയത്.
അമേയയുടെ വാക്കുകൾ:
വണ്ണം കുറഞ്ഞുപോയതിന്റെ പേരിൽ നഷ്ടപ്പെട്ട അവസരങ്ങളിൽ വിഷമം തോന്നിയിട്ടുണ്ട്... എന്നാലും വർക്ക്ഔട്ടും Diet-ഉം അതിൽനിന്ന് എന്നെ മാറ്റി. കഷ്ടപ്പെട്ട് 8 കിലോയോളം വണ്ണം കൂട്ടി, അതിനുശേഷം വന്ന കുറച്ചുകാലം ശരീരം ശ്രദ്ധിക്കാൻ സാധിച്ചില്ല...പക്ഷേ ഈ ലോക്ക്ഡൗൺ വീണ്ടും എന്നെ തിരികെ ചിന്തിപ്പിച്ചു. 62 കിലോയിൽനിന്നും 54 കിലോയിലേക്കുള്ള ട്രാൻസ്ഫോർമേഷൻ ഒരുപാട് കഷ്ടപ്പാട് നിറഞ്ഞതായിരുന്നു. നമ്മുടെ ശരീരത്തെ നമ്മൾ എത്രത്തോളം Care ചെയ്യുന്നോ, അത്രത്തോളം സ്നേഹം നമുക്ക് ശരീരം തിരിച്ചും നൽകും.
കരിക്ക് വെബ് സീരിസിൽ രംഗപ്രവേശനം നടത്തിയതോടെ നിരവധി ആരാധകരേയും താരം നേടിയെടുത്തിരുന്നു. അറിയപ്പെടുന്ന മോഡലും കൂടിയാണ് തിരുവനന്തപുരം സ്വദേശിയായ അമേയ. താരം പങ്കുവയ്ക്കുന്ന ഫോട്ടോഷൂട് ചിത്രങ്ങൾ എല്ലാം തന്നെ വൈറലായി മാറാറുമുണ്ട്.
ഒരു പഴയ ബോംബ് കഥ, ആട് 2 എന്നീ ചിത്രങ്ങളിലൂടെയാണ് അമേയ അഭിനയരംഗത്തെത്തുന്നത്. മമ്മൂട്ടിയുടെ ദ് പ്രീസ്റ്റ് ആണ് നടിയുടെ ഏറ്റവും പുതിയ ചിത്രം.
https://www.facebook.com/Malayalivartha