പലരും എന്നെ തെറ്റിദ്ധരിച്ചു ; ആ ആരോപണങ്ങൾ എന്നെ തളർത്തി; അങ്ങനെ മലയാള സിനിമയിൽ നിന്നും മാറാൻ തീരുമാനിച്ചു; അപ്പോഴായിരുന്നു വലിയ അവസരം മുന്നിൽ വന്നത്; അതൊരു വെല്ലുവിളിയായി ഏറ്റെടുത്തു; ചിലർക്ക് മുന്നിൽ അത് തെളിയിക്കണമെന്ന് തോന്നി; തെന്നിന്ത്യയിലെ തിരക്കേറിയ യുവനടിമാരിൽ ഒരാളായി മാറിയ വഴിത്തിരിവ് വെളിപ്പടുത്തി അനുപമ പരമേശ്വരൻ
പ്രേമം’ സിനിമയിലെ ചുരുളൻ മുടിക്കാരി മേരി എന്ന കഥാപാത്രത്തെ മലയാളികൾക്ക് ഒരിക്കലും മറക്കാൻ സാധിക്കില്ല. ആ നടി അനുപമ പരമേശ്വരന് സിനിമാരംഗത്തേക്ക് എത്തിയത് ആ ഒരൊറ്റ സിനിമയിലൂടെയാണ് . എന്നാല് ഈ സിനിമയ്ക്ക് ശേഷം കൂടുതൽ മലയാള സിനിമകളിൽ അനുപമയെ കണ്ടിട്ടില്ല . എന്നാൽ അന്യ ഭാഷ സിനിമകളിൽ നടി സജീവമായിരുന്നു. പ്രേമം സിനിമയ്ക്ക് ശേഷം വിമര്ശനങ്ങളും ട്രോളുകളും വന്നതോടെയാണ് മലയാളത്തില് സജീവമാകാതെ അന്യഭാഷകളിൽ സജീവമായതെന്നാണ് നടി പറയുന്നത് . ജാഡ, അഹങ്കാരി എന്നീ ട്രോളുകള് തന്നെ വിഷമിപ്പിച്ചു. ഇതിന്റെ പിന്നാലെയാണ് മലയാളത്തില് നിന്നും മാറി നിന്നതെന്നും അനുപമ അഭിമുഖത്തിൽ പറഞ്ഞു .
‘പ്രേമത്തിന്റെ റിലീസിന് ശേഷം വലിയ രീതിയിലുള്ള വിമര്ശനങ്ങള് എനിക്ക് നേരിടേണ്ടി വന്നു. ജാഡയാണ് അഹങ്കാരിയാണ് എന്നും വിളിച്ചു. പ്രേമം സിനിമയുടെ പ്രൊമോഷന് സമയത്ത് ഞാന് ധാരാളം അഭിമുഖങ്ങള് നല്കിയി. എന്നാൽ സിനിമയുമായി ബന്ധമില്ലാത്ത ചിലര് പറഞ്ഞത് അനുസരിച്ചായിരുന്നു അത്. സത്യത്തില് അഭിമുഖം നൽകി ഞാൻ തന്നെ മടുത്തുപോയി. ’
‘തൃശൂര് നിന്നുള്ള ഒരു സാധാരണ പെണ്കുട്ടി ആയിരുന്നതിനാല് അവര് പറഞ്ഞത് പോലെ ഞാന് അനുസരിച്ചു. സിനിമ റിലീസ് ചെയ്തപ്പോള്, അതില് താന് കുറച്ച് ഭാഗത്ത് മാത്രമേ ഉണ്ടായിരുന്നുള്ളു. അതിനാല് ആളുകള് ട്രോളാന് തുടങ്ങി. തന്റെ വ്യക്തിപരമായ വളര്ച്ചയ്ക്ക് സിനിമയുടെ പബ്ലിസിറ്റി ഉപയോഗിച്ചെന്ന് അവര്ക്ക് തോന്നി. ട്രോളുകള് എന്നെ വിഷമിപ്പിച്ചു. അതിനാല് മലയാളത്തില് നിന്നും വിട്ടു നില്ക്കാന് ഞാന് തീരുമാനിച്ചു. എന്നെ തേടിയെത്തിയ സിനിമകള് നിരസിക്കാന് തുടങ്ങിയത് അങ്ങനെയാണെന്നും അനുപമ പറഞ്ഞു .
ആ സമയത്തായിരുന്നു ഒരു നെഗറ്റീവ് റോളിനായി തെലുങ്കിലെ ഒരു വലിയ പ്രൊഡകഷന് ഹൗസ് വിളിച്ചത് . എനിക്ക് അഭിനയിക്കാന് അറിയില്ല എന്ന് ചിലര് പറഞ്ഞതിനാല് അത് ഞാന് ഒരു വെല്ലുവിളിയായി ഏറ്റെടുക്കുകയും ചെയ്തു . ഒരു പുതിയ ഭാഷ പഠിച്ച് തെലുങ്കിലേക്ക് പ്രവേശിക്കാന് തീരുമാനിച്ചത് അപ്പോഴായിരുന്നു . അതിന് ശേഷം രണ്ട് തെലുങ്ക് ചിത്രങ്ങള് ലഭിച്ചു. തുടര്ന്ന് തമിഴ് സിനിമ ലഭിച്ചുവെന്നും അനുപമ പറയുന്നു.ഇതിനോടകം ഏഴ് തെലുങ്ക് ചിത്രങ്ങളിൽ അഭിനയിച്ച അനുപമ െതന്നിന്ത്യയിലെ തിരക്കേറിയ യുവനടിമാരിൽ ഒരാളായി മാറി കഴിഞ്ഞു . മൂന്ന് വർഷങ്ങൾക്കു ശേഷം അനുപമ വീണ്ടും മലയാളത്തിൽ തിരിച്ചെത്തുന്ന ചിത്രമാണ് മണിയറയിലെ അശോകൻ. ദുൽഖർ സൽമാൻ നിർമിക്കുന്ന ഈ ചിത്രത്തിൽ സഹസംവിധായികയായും അനുപമ പ്രവർത്തിച്ചിരുന്നു.
https://www.facebook.com/Malayalivartha