നമുക്ക് പ്രിയപ്പെട്ട വാഹനം സമ്മാനിക്കുന്ന ഓർമകൾ പിന്നീട് എത്രവാഹനങ്ങൾ സ്വന്തമാക്കിയാലും ലഭിക്കില്ല എന്നതാണ്. എന്നാൽ പല സാഹചര്യങ്ങള്‍ മൂലം ചിലപ്പോൾ അവയെ കൈവിടേണ്ടി വന്നിട്ടുണ്ടാകാമെങ്കിലും അവയുമൊത്തുള്ള ഓർമകൾക്ക് എന്നും സന്തോഷത്തിന്റെ തെളിഞ്ഞനിറമായിരിക്കുന്നതുമാണ്. അത്തരത്തിലൊരു സുന്ദര നിമിഷം പങ്കുവയ്ക്കുകയാണ് ഉണ്ണിമുകുന്ദൻ.അച്ഛന്റെ പിറന്നാള്‍ ദിനത്തില്‍ തനിക്ക് ഏറെ പ്രിയപ്പെട്ടത് സമ്മാനമായി നല്‍കിയിരിക്കുകയാണ് നടന്‍ ഉണ്ണി മുകുന്ദന്‍. അച്ഛന്‍ ഉപയോഗിച്ച്‌ കൈമറിഞ്ഞു പോയ പഴയ മോഡല്‍ ഹീറോ ഹോണ്ട സിഡി 100 ബൈക്കാണ് ഉണ്ണി മുകുന്ദന്‍ അച്ഛന് പിറന്നാള്‍ സര്‍പ്രൈസ് സമ്മാനമായി നല്‍കിയത് തന്നെ. ഇതിനൊപ്പം യെസ്ഡി 250 സിസി ബൈക്കും സമ്മാനിക്കുകയുണ്ടായി.

അതേസമയം മുമ്ബ് വിറ്റുകളഞ്ഞ ബൈക്കുകളോടുള്ള അച്ഛന്റെ ഇഷ്ടം മനസിലാക്കിയ താരം അതേ പോലുള്ള ബൈക്കുകള്‍ തന്നെ അച്ഛന് നല്‍കാന്‍ തീരുമാനിക്കുകയായിരുന്നു. സിഡി 100 ലഭിച്ചില്ലെങ്കിലോ എന്ന് കരുതിയാണ് യെസ്ഡി 250 വാങ്ങിയത്. അപ്പോഴേക്കും സിഡി 100 ഉം ലഭിച്ചു. ഇതോടെ രണ്ട് ബൈക്കുകളും അച്ഛന് സമ്മാനമായി നല്‍കുകയായിരുന്നു താരം ചെയ്തത്. തലേദിവസം തന്നെ അടുത്തുള്ള വീട്ടില്‍ കൊണ്ടുവെച്ച്‌, രാവിലെ നടക്കാനിറങ്ങിയപ്പോഴാണ് നല്‍കിയതെന്നാണ് ലഭ്യമാകുന്ന റിപ്പോര്‍ട്ടുകള്‍. അച്ഛന്‍ ബൈക്കില്‍ ഇരിക്കുന്ന ചിത്രങ്ങളും ഉണ്ണി മുകുന്ദന്‍ ടീസമൂഹ മാധ്യമത്തിലൂടെ പങ്കുവെച്ചിട്ടുണ്ട്. അച്ഛന്റെ യാത്രകള്‍ തിരികെ നല്‍കാനായതില്‍ സന്തോഷമുണ്ടെന്നും താരം കുറിക്കുകയുണ്ടായി.

അതോടൊപ്പം തന്നെ ബൈക്കുകള്‍ തിരികെ കിട്ടാന്‍ സഹായിച്ച മോട്ടോപാഡ്രോണ്‍ എന്ന ഫേസ്ബുക്ക് പേജിനും ഉണ്ണി നന്ദി അറിയിച്ചിട്ടുണ്ട്. മാര്‍ബിളിലും പലകയിലും കൊട്ടി താരമായ മലപ്പുറം സ്വദേശി അഭിഷേക് എന്ന കൊച്ചുമിടുക്കന് ഉണ്ണി അടുത്തിടെ ഡ്രംകിറ്റ് സമ്മാനമായി നല്‍കിയത് സമൂഹമാധ്യമങ്ങളിലടക്കം വളരെ ചർച്ചചെയ്യപ്പെട്ടിരുന്നു. ഉണ്ണി മുകുന്ദന്‍ ഫാന്‍സ് അസോസിയേഷന്‍ ഭാരവാഹികളാണ് ഡ്രംസ് അഭിഷേകിന്റെ മലപ്പുറത്തെ ഡ്രംകിറ്റ് വീട്ടില്‍ എത്തിച്ചത്.