കുടുംബ ജീവിതത്തില്‍ സമാധാനം നിലനിര്‍ത്താന്‍ തനിക്ക് തന്റേതായ ഒരു നിയമമുണ്ടെന്നാണ് നടന്‍ കുഞ്ചാക്കോ ബോബന്‍ പറയുന്നത്. ഭാര്യ പ്രിയയ്‌ക്കൊപ്പം മനോഹരമായ സെല്‍ഫി ചിത്രം പങ്കുവെച്ചുകൊണ്ട് താരം പറയുന്നത് ഇങ്ങനെയാണ്. തലമുറകളായി കൈമാറിവരുന്ന സുവര്‍ണ്ണ നിയമം ആണെന്ന് ആദ്യമേ പറഞ്ഞു കൊണ്ടാണ് ചാക്കോച്ചന്റെ കുറിപ്പ് ആരംഭിക്കുന്നത്. 'നിങ്ങള്‍ വരയ്ക്കുന്ന വരയ്ക്ക് അപ്പുറം ഭാര്യ കടക്കാതെ ഇരിക്കട്ടെ. വര എവിടെ വയ്ക്കണമെന്ന് അവള്‍ തീരുമാനിക്കട്ടെ.' എന്നാണ് കുഞ്ചാക്കോ ബോബന്‍ പറയുന്നത്. എന്നാല്‍ ഇത് വിവാഹ വാര്‍ഷിക ഫോട്ടോയാണ് എന്നാണ് ആരാധകരില്‍ ചിലര്‍ വിചാരിച്ചത്. അവര്‍ താരത്തിന് ആശംസകളും അറിയിച്ചിട്ടുണ്ട്. 2005 ഏപ്രില്‍ 2ന് ആയിരുന്നു കുഞ്ചാക്കോ ബോബന്റെ വിവാഹം നടന്നത്. ഗീതു മോഹന്‍ദാസ് , ലെന തുടങ്ങി നിരവധി താരങ്ങള്‍ ചിരി ഇമോജിയുമായി എത്തിയിട്ടുണ്ട്.