മിനിസ്ക്രീൻ പ്രേക്ഷകരുടെ ഇഷ്ടതാരമാണ് സുബി സുരേഷ്. ഹാസ്യ കഥാപാത്രങ്ങളിലൂടെയും അവതാരകയായും സീരിയൽ താരവുമായുമൊക്കെ തിളങ്ങിയ സുബി മലയാളികളുടെ ഉള്ളിൽ നല്ലൊരു ആരാധന സ്ഥാനം കയ്യടക്കിയ താരമാണ്. ഇപ്പോഴിതാ തന്റെ പ്രണയ പരാജയത്തെ കുറിച്ച്‌ തുറന്നു പറയുകയാണ് താരം.

'തനിക്ക് ഒരു പ്രണയം ഉണ്ടായിരുന്നു. എന്നാല്‍ ആ പ്രണയം വിവാഹത്തില്‍ എത്തിയില്ല. പരസ്പര സമ്മതത്തോടെയാണ് തങ്ങള്‍ പ്രണയം അവസാനിപ്പിച്ചത്. വിദേശത്ത് ജോലി ഉണ്ടായിരുന്ന ആളെയാണ് പ്രണയിച്ചത്. വിവാഹം കഴിഞ്ഞാല്‍ അമ്മയെ വിട്ട് വിദേശത്തേക്ക് പോകേണ്ടി വരും. അതിനാലാണ് പ്രണയം താന്‍ അവസാനിപ്പിച്ചത്.

പ്രണയം തുടങ്ങിയ സമയം അദ്ദേഹം നാട്ടില്‍ ഉണ്ടായിരുന്നു. പിന്നീട് വിദേശത്തേക്ക് പോയി. എന്നാല്‍ അമ്മയെ വിട്ട് തനിക്ക് എങ്ങോട്ടും പോകാനാവില്ല.

അമ്മയാണ് തന്റെ എല്ലാ സപ്പോര്‍ട്ടും പ്രണയത്തെ കുറിച്ച്‌ അമ്മയോട് പറഞ്ഞിരുന്നെങ്കില്‍ വിവാഹം നടന്നേനെ.' സുബി പറഞ്ഞു. ആദ്യം പ്രണയിച്ചയാള്‍ ഇപ്പോഴും നല്ല സുഹൃത്താണെന്നും അദ്ദേഹം വിവാഹമൊക്കെ കഴിഞ്ഞ് രണ്ട് കുട്ടികളുടെ ഒപ്പം സുഖമായി ജീവിക്കുന്നുവെന്നും സുബി കൂട്ടിച്ചേര്‍ത്തു