ഞാന് അത്രയ്ക്കൊന്നും തരംതാഴാന് ഉദ്ദേശിക്കുന്നില്ല... ഞാന് അതിജീവിതയുടെ കൂടെയാണ്... അവര്ക്ക് വ്യാകുലതകള് ഉണ്ടെങ്കില് അവര്ക്ക് ഉത്കണ്ഠ ഉണ്ടെങ്കില് അത് ഉന്നയിക്കാനുള്ള എല്ലാ രീതിയിലുമുള്ള അവകാശവും അവര്ക്കുണ്ടെന്നാണ് ഞാന് വിശ്വസിക്കുന്നത്.. സിദ്ദിഖിന് റിമയുടെ കലക്കൻ മറുപടി
കഴിഞ്ഞ ദിവസം അതിജീവിതയ്ക്കെതിരായി നടന് സിദ്ദിഖ് നടത്തിയ വിവാദ പരാമര്ശത്തില് വിമര്ശനവുമായി നടി റിമ കല്ലിങ്കല് രംഗത്തെത്തിയിരിക്കുകയാണ്. ‘ഉപതിരഞ്ഞെടുപ്പില് അതിജീവിതയുടെ വിഷയം ചര്ച്ചയായല്ലോ’ എന്ന മാധ്യമപ്രവര്ത്തകരുടെ ചോദ്യത്തിന്, അത്തരത്തില് ചര്ച്ചയാകാന് അതിജീവിത ഇവിടെ തിരഞ്ഞെടുപ്പില് മത്സരിക്കുന്നുണ്ടോ എന്നായിരുന്നു സിദ്ദിഖ് ചോദിച്ചത്. ഈ പരാമര്ശത്തോട് പ്രതികരിക്കുകയായിരുന്നു റിമ. ‘ഞാന് അത്രയ്ക്കൊന്നും തരംതാഴാന് ഉദ്ദേശിക്കുന്നില്ല. ഞാന് അതിജീവിതയുടെ കൂടെയാണ്. അവര്ക്ക് വ്യാകുലതകള് ഉണ്ടെങ്കില് അവര്ക്ക് ഉത്കണ്ഠ ഉണ്ടെങ്കില് അത് ഉന്നയിക്കാനുള്ള എല്ലാ രീതിയിലുമുള്ള അവകാശവും അവര്ക്കുണ്ടെന്നാണ് ഞാന് വിശ്വസിക്കുന്നത്.
ഇത്രയും കാലമായി അതിജീവിതയുടെ കൂടെ നിന്ന സര്ക്കാരാണത്. വേറെ ഏത് സര്ക്കാരായാലും ഈ രീതിയിലുള്ള ഇടപെടല് ഉണ്ടാകുമെന്ന് എനിക്ക് തോന്നുന്നുമില്ല. മുഖ്യമന്ത്രിയും മറ്റുള്ളവരും അവര്ക്കൊപ്പം നില്ക്കുന്ന സാഹചര്യത്തില് ഒരു ആശയക്കുഴപ്പം ഉണ്ടായപ്പോള്, അത് മുഖ്യമന്ത്രിയെ കണ്ട് തീര്ക്കേണ്ട ആവശ്യം കൂടി ഉണ്ടെന്ന് മനസിലാക്കി ആ ഉത്തരവാദിത്തം കൂടി അവര് ഏറ്റെടുത്തു. അതൊരു വലിയ കാര്യമായിട്ടാണ് കാണുന്നത്. പൊളിറ്റിക്കലായി ഇതിനെ കൊണ്ടുപോകരുത്. അവര് അത് ഉദ്ദേശിച്ചിട്ടില്ല. ഞാന് അവരുമായി സംസാരിച്ചിരുന്നു. ചില ആശയക്കുഴപ്പങ്ങള് ഉണ്ടായ സാഹചര്യത്തിലാണ് അവര് തന്നെ മുന്കൈ എടുത്ത് സര്ക്കാരിനെ കണ്ടത്. ഈ വിഷയത്തിന് രാഷ്ട്രീയമുഖം നല്കരുത്. സര്ക്കാര് അവര്ക്കൊപ്പം നിന്നിട്ടുണ്ട്. അവരും അങ്ങനെ തന്നെയാണ് വിശ്വസിക്കുന്നതെന്നും റിമ പറഞ്ഞു. കേസിന്റെ പോക്കില് ആശങ്കയുണ്ടോ എന്ന ചോദ്യത്തിന് അഞ്ച് വര്ഷമായിട്ട് കേസ് അവസാനിച്ചിട്ടില്ലല്ലോ എന്നായിരുന്നു റിമയുടെ മറുപടി..
തൃക്കാക്കര പോളിംഗ് ദിനത്തിലായിരുന്നു ആക്രമിക്കപ്പെട്ട നടിക്കെതിരെ രൂക്ഷവിമർശനവുമായി നടൻ സിദ്ദിഖ് രംഗത്തെത്തിയത്. കേസിൽ വിധി വരട്ടെ. എന്നിട്ടെല്ലാ കാര്യങ്ങളും തീരുമാനിക്കാം. അതല്ല വിധി എതിരാകും എന്ന് തോന്നിയാൽ അപ്പോൾ ജഡ്ജി ശരിയല്ല, ഈ ജഡ്ജിയെ മാറ്റണം എന്നല്ല താൻ പറയുക.
വിധി എതിരായാൽ മേൽക്കോടതിയിൽ പോകണം. അതും എതിരായാൽ അതിന്റെ മേൽക്കോടതിയിൽ പോകണം. അതാണ് ജനാധിപത്യരീതിയിലുള്ള വ്യവസ്ഥ. അങ്ങനെത്തന്നെ ആകണം എന്നാണ് തന്റെ അഭ്യർത്ഥന എന്നും സിദ്ദിഖ് പറഞ്ഞു. അതിജീവിതയെക്കുറിച്ചുള്ള ചോദ്യത്തിന്, അതിന് അതിജീവിത തെരഞ്ഞെടുപ്പിൽ മത്സരിക്കുന്നുണ്ടോ എന്നായിരുന്നു സിദ്ദിഖിന്റെ ചിരിച്ചുകൊണ്ടുള്ള ചോദ്യം. പാലച്ചുവടിലുള്ള വ്യാസവിദ്യാലയത്തിൽ വോട്ട് ചെയ്യാനെത്തിയതായിരുന്നു സിദ്ദിഖ്.
https://www.facebook.com/Malayalivartha
