സുരാജ് നായകനാകുന്ന ഹെവൻ എന്ന പുതിയ ചിത്രത്തിന്റെ പ്രൊമോഷനുമായി ബന്ധപ്പെട്ട് സംസാരിക്കവെ അലൻസിയറിന്റെ വെളിപ്പെടുത്തൽ. തലമുടി നീട്ടി വളർത്തിയതിന്റെ പേരിൽ മകനെ പൊലീസ് പിടിച്ചെന്ന് നടൻ അലൻസിയർ. ഫൈൻ ആർട്‌സ് വിദ്യാർത്ഥിയായിരുന്ന മകൻ വീട്ടിലേക്ക് തിരിച്ചു വരുന്ന സമയത്തായിരുന്നു സംഭവമെന്നും അലൻസിയർ പറയുന്നു.

അവനൊരു ആർട്ടിസ്‌റ്റാണ്. അവന്റെ സ്വാതന്ത്യമാണത്. അവന്റെ ശരീരം അവന്റെ മാത്രം അധികാരമാണ്, അല്ലാതെ ഭരണകൂടത്തിന്റെയല്ല. ഈ നാട്ടിൽ തലമുടി വളർത്താൻ അധികാരമില്ല? പൊലീസുകാർ തലമുടി വെട്ടികൊണ്ടു നടക്കണം, തൊപ്പി അഴിക്കണം എന്നുപറയുന്നതുപോലെ നാട്ടുകാരെല്ലാം അങ്ങനെ ചെയ്യണോ?' - അലൻസിയർ ചോദിക്കുന്നു.