തനിയ്ക്ക് ബിഗ്ഗ് ബോസില് നിന്ന് ഒരു ക്ഷണം വന്നാല് പോകില്ല! ഡോക്ടർ റോബിന് ബിഗ്ബോസിൽ നിന്നും പുറത്തായത് നന്നായി; നൂറ് ദിവസം പൂര്ത്തിയാക്കിയാണ് തിരിച്ചു വന്നത് എങ്കില് ഇത്രയധികം ജനപിന്തുണയും ചര്ച്ചയും ഉണ്ടാവില്ലായിരുന്നു; തുറന്ന് പറഞ്ഞ് സുരാജ് വെഞ്ഞാറമൂട്...
ബിഗ് ബോസ് മലയാളം സീസൺ നാലിൽ ഏറെ ആരാധകരുള്ള മത്സരാർത്ഥിയായിരുന്നു ഡോക്ടർ റോബിൻ രാധാകൃഷ്ണൻ. സഹമത്സരാർത്ഥിയെ ടാസ്കിന്റെ ശാരീരികമായി ആക്രമിച്ചതിന് കഴിഞ്ഞ ആഴ്ചയാണ് റോബിൻ ഷോയിൽ നിന്ന് പുറത്തായത്. എന്നാൽ റോബിനെ പുറത്താക്കിയതിൽ സോഷ്യൽമീഡിയയിൽ ഉൾപ്പെടെ റോബിൻ ഫാൻസ് വലിയ പ്രതിഷേധമാണ് ഉയർത്തിയത്. റോബിനെ പുറത്താക്കിയതിന് എതിരെ സിനിമ - സീരിയല് സെലിബ്രിറ്റികള് അടക്കം രംഗത്ത് വന്നിരുന്നു.
ഇപ്പോഴിതാ റോബിന്റെ പുറത്താവലിനോട് പ്രതികരിച്ച് സുരാജ് വെഞ്ഞാറമൂടും രംഗത്ത് എത്തിയിരിയ്ക്കുകയാണ്. പുതിയ ചിത്രത്തിന്റെ പ്രമോഷന്റെ ഭാഗമായി നല്കിയ അഭിമുഖത്തിന് ഇടയിലാണ് അവതാരകന് നിലവില് സോഷ്യല് മീഡിയയില് കത്തി നില്ക്കുന്ന വിഷയം എന്ന രീതിയില് റോബിന്റെ എവിക്ഷനെ കുറിച്ച് ചോദിച്ചത്. റോബിന് ഇപ്പോള് പുറത്തായത് നന്നായി എന്നായിരുന്നു സുരാജിന്റെ പ്രതികരണം. റോബിന് ബിഗ്ഗ് ബോസില് നൂറ് ദിവസം പൂര്ത്തിയാക്കിയാണ് തിരിച്ചു വന്നത് എങ്കില് ഇത്രയധികം ജനപിന്തുണയും ചര്ച്ചയും ഉണ്ടാവില്ലായിരുന്നു. ഇങ്ങനെ ഒരു സാഹചര്യത്തില് പുറത്താക്കപ്പെട്ടത് കൊണ്ട് മാത്രം ഉണ്ടായ ആരാധകരുണ്ടാവും. ഇപ്പോള് പുറത്തായത് കൊണ്ടാണ് തനിയ്ക്ക് വിന്നര് ആവാതെയും ഇത്രയധികം ജനപിന്തുണയുണ്ട് എന്ന് റോബിന് തന്നെ മനസ്സിലാക്കാന് സാധിച്ചതെന്നും സുരാജ് വ്യക്തമാക്കി. തനിയ്ക്ക് ബിഗ്ഗ് ബോസില് നിന്ന് ഒരു ക്ഷണം വന്നാല് പോകില്ല എന്നും സുരാജ് പറയുന്നു. മുംബൈയിലെ ബിഗ് ബോസ് വീട്ടിൽ നിന്ന് തിരുവനന്തപുരത്ത് എത്തിയ റോബിൻ വൻ സ്വീകരണമാണ് ആരാധകർ നൽകിയത്.
https://www.facebook.com/Malayalivartha
