നീണ്ട ഇടവേളയ്‌ക്ക് ശേഷം മലയാള സിനിമയിലേക്ക് തിരിച്ചെത്തിയതിന്റെ സന്തോഷത്തിലാണ് മീരാ ജാസ്‌മിൻ. സത്യൻ അന്തിക്കാട് സംവിധാനം ചെയ്‌ത മകൾ എന്ന ചിത്രത്തിൽ ജയറാമിന്റെ നായികയായിട്ടായിരുന്നു മീരാ ജാസ്മിന്റെ മടങ്ങിവരവ്. ഏപ്രിൽ 29ന് റിലീസ് ചെയ്ത ചിത്രത്തിന് സമ്മിശ്ര പ്രതികരണമാണ് പ്രേക്ഷകരുടെ ഭാഗത്ത് നിന്ന് ലഭിച്ചത്. ഫിറ്റ്നസിൽ അതീവ ശ്രദ്ധപുലർത്താറുള്ള താരം സോഷ്യൽ മീഡിയയിലും സജീവമാണ്. ദുബായിൽ താമസിക്കുന്ന നടി പങ്കുവയ്ക്കാറുള്ള ചിത്രങ്ങളൊക്കെ ശ്രദ്ധ നേടാറുമുണ്ട്. ഏറ്റവുമൊടുവിലായി മീര പങ്കുവച്ച ഗ്ലാമറസ് ചിത്രങ്ങളും വെെറലാവുകയാണ്. ഗ്ലാമറസ് ചിത്രങ്ങൾക്കൾക്കൊപ്പം ഗ്രീക്ക് വിഭവങ്ങളുടെ ചിത്രവും മീരാ ജാസ്‌മിൻ പങ്കുവച്ചിട്ടുണ്ട്. താരത്തിന്റെ ചിത്രങ്ങൾ അടിപൊളിയെന്ന് കമന്റുകളുമായി ആരാധകർ എത്തുന്നുണ്ട്.

അഭിനയത്തിൽ വീണ്ടും സജീവമാകാനുള്ള തയാറെടുപ്പിലാണ് നടി. ആറ് വർഷത്തെ ഇടവേളയ്ക്ക് ശേഷമായിരുന്നു 'മകളി'ലൂടെ താരം മുഴുനീള വേഷത്തിൽ എത്തിയത്. 2016 ൽ പുറത്തിറങ്ങിയ 'പത്ത് കൽപനകളി'ലാണ് മുഴുനീള വേഷത്തിൽ മീര അഭിനയിച്ചത്. 2018 ൽ പൂമരം എന്ന ചിത്രത്തിൽ അതിഥി താരമായി നടി എത്തിയിരുന്നു.